Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. september. 2006 09:50

Vilja efla sveitarstjórnartigið

Rannsóknamiðstöð Háskólans á Bifröst vann að beiðni félagsmálaráðuneytisins á þessu ári rannsókn á viðhorfum sveitarstjórnarmanna og alþingismanna til framtíðar íslenska sveitarstjórnarstigsins. Könnunin var þýðiskönnun og náði til allra alþingismanna, sveitarstjórnarmanna og framkvæmdastjóra sveitarfélaga í landinu. Um var að ræða vefkönnun sem var framkvæmd á tímabilinu 5. apríl til 7. maí 2006. Svarhlutfall var 58,8% sem telst mjög vel viðunandi í könnun sem þessari, segir í fréttatilkynningu frá Rannsóknarmiðstöðinni.

 

 

Meðal helstu niðurstaðna má nefna:

  • Mikill meirihluti sveitarstjórnar- og alþingismanna telur þörf á að efla sveitarstjórnarstigið á Íslandi.
  • Góður meirihluti er jafnframt þeirrar skoðunar að sveitarfélögin séu ekki nægilega öflug til að standa undir núverandi lögbundnum verkefnum og að fjöldi fámennra sveitarfélaga valdi því að íslenska sveitarstjórnarstigið sé veikara en ella.
  • Þrír af hverjum fjórum telja æskilegt að sveitarfélögin taki við fleiri verkefnum frá ríkisvaldinu.
  • Málefni aldraðra og fatlaðra eru þeir málaflokkar sem stjórnmálamenn telja æskilegast að sveitarfélögin taki yfir. Þetta á sérstaklega við um málefni aldraðra en hartnær þrír af hverjum fjórum svarenda vilja flytja þann málaflokk til sveitarfélaga.
  • Þá telja stjórnmálamenn að það sé æskilegt að hækka lágmarksíbúatölu sveitarfélaga og er þá oftast nær nefnd lágmarkstala um og yfir 1000 íbúar.
  • Á sama tíma telur mikill meirihluti stjórnmálamanna að tillögur um sameiningu sveitarfélaga skuli leggja í dóm kjósenda með atkvæðagreiðslum.

 

Skýrsluna í heild er að finna á vef Rannsóknamiðstöðvarinnar http://rannsoknamidstod.bifrost.is/Files/Skra_0015295.pdf .

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is