Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. desember. 2006 09:14

Heilsum aðventu með gleði og fögrum söng

Aðventutónleikar Tónlistarfélags Borgarfjarðar verða haldnir í Reykholtskirkju laugardaginn 2. desember næstkomandi og hefjast klukkan 20:30. Um árabil hafa þessir tónleikar verið samstarfsverkefni Tónlistarfélagsins, Reykholtskirkju og Borgarfjarðarprófastsdæmis og sú hefð hefur skapast að halda þá á laugardagseftirmiðdegi fyrir fyrsta sunnudag í aðventu. Að þessu sinni reyndist þó nauðsynlegt að breyta tónleikatímanum frá því sem verið hefur og verða þeir því að kvöldlagi nú.

 

Þessir tónleikar marka í huga margra Borgfirðinga upphaf aðventu og hafa þeir ávallt verið vel sóttir. Meðal flytjenda á liðnum árum má t.d. nefna Kammersveit Reykjavíkur, Söngsveitina Fílharmóníu, Karlakór Reykjavíkur, Óperukór Hafnarfjarðar, Gradualekór Langholtskirkju auk fjölmargra þekktra hljóðfæraleikara og söngvara.  

 

Það er stjórn Tónlistarfélags Borgarfjarðar mikil ánægja að fá nú til liðs við sig listamenn úr héraði, Kammerkór Vesturlands undir stjórn Dagrúnar Hjartardóttur. Kammerkórinn hefur á undanförnum árum komið fram við fjölmörg tækifæri innanlands og getið sér gott orð fyrir fágaðan söng. Í vor hélt kórinn í sína fyrstu tónleikaferð til útlanda og söng á tónleikum í Lubljana, höfuðborg Slóveníu. Einsöngvarar á aðventutónleikunum verða úr röðum kórfélaga og undirleikarar eru Jónína Erna Arnardóttir píanóleikari, Ewa Tosik-Warszawiak og Helga Steinunn Torfadóttir fiðluleikarar, Örnólfur Kristjánsson sellóleikari og Ásgeir Steingrímsson trompetleikari.

 

Á tónleikunum í Reykholtskirkju flytur Kammerkór Vesturlands m.a. verk eftir Johann Sebastian Bach, Georg Friedrich Händel, Andreas Hammerschmidt, Georg Philipp Telemann og Felix Mendelssohn-Bartholdy auk þekktra laga sem tengjast aðventu og jólum. Tónleikunum lýkur með almennum söng; tónleikagestir taka undir með kórnum og syngja lag Sigvalda Kaldalóns við hinn hugþekka sálm Einars Sigurðssonar í Eydölum Nóttin var sú ágæt ein.

 

Tónleikarnir eru öllum opnir meðan húsrúm leyfir. Aðgangseyrir er 1500 krónur fyrir þá sem ekki eru meðlimir í Tónlistarfélagi Borgarfjarðar og 1000 krónur fyrir börn og eldri borgara. Í hléi verða kaffiveitingar í safnaðarsal Reykholtskirkju.

(fréttatilkynning)

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is