Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. desember. 2006 03:30

Samfylkingin tapar miklu fylgi í NV-kjördæmi

Samfylkingin hefur tapað miklu fylgi í Norðvesturkjördæmi á undanförnum vikum samkvæmt þjóðarpúlsi Gallup sem greint var frá á vef RUV. Á sama tíma hefur Frjálslyndi flokkurinn aukið fylgi sitt verulega í kjördæminu. Frá því að könnun var síðast birt í kjördæminu í byrjun nóvember hafa framboðslistar Samfylkingarinnar og Sjálfstæðisflokksins verið ákveðnir í kjördæminu. Einnig fór fram póstkosning innan Framsóknarflokksins um skipan efstu sæta framboðslista þeirra.

 

 

Samkvæmt könnuninni fengi Framsóknarflokkurinn nú 16% atkvæða eða sama fylgi og fyrir mánuði. Sjálfstæðisflokkurinn fengi 35% atkvæða í kjördæminu sem er einnig það sama og fyrir mánuði. Frjálslyndi flokkurinn fengi nú 14% greiddra atkvæða en fyrir mánuði mældist hann einungis með 6% fylgi. Samfylkingin fengi nú 15% atkvæða en í byrjun nóvember mældist flokkurinn með 25% fylgi. Vinstri-grænir fengju nú 20% greiddra atkvæða en höfðu 18% í byrjun nóvember.

 

Fylgi Framsóknarflokksins í NV-kjördæmi er það næst mesta sem flokkurinn fengi í einstökum kjördæmum. Mest fengi hann í NA-kjördæmi eða 18%. Aðeins í NA-kjördæmi fengi Sjálfstæðisflokkurinn minna fylgi en í NV-kjördæmi og í Reykjavíkurkjördæmi norður eða 31%. Höfuðvígi Frjálslynda flokksins er sem fyrr í NV-kjördæmi en í Reykjavík er fylgið að verða jafn mikið. Fylgi Samfylkingarinnar er hvergi lægra en í NV-kjördæmi. Aðeins í NA-kjördæmi fá Vinstri-grænir meira fylgi en í NV-kjördæmi eða 25%.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is