Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. desember. 2006 09:05

Flest hjúkrunarrými á íbúa í Dalabyggð

Flest hjúkrunarrými á hverja þúsund íbúa eru í Dalabyggð eða 49,5 talsins. Þetta kemur fram í svari Sivjar Friðleifsdóttir heilbrigðisráðherra á Alþingi við fyrirspurn Björgvins G. Sigurðssonar þingmanns Samfylkingarinnar. Þingmaðurinn spurði um hversu mörg hjúkrunarrými væru í landinu á hverja þúsund íbúar, skipt eftir sveitarfélögum og hvert landsmeðaltalið væri. Í svari ráðherra kemur fram að þjónustuhópar aldraðra meti þörf einstaklinga fyrir hjúkrunarrými og geri tillögur til sveitarstjórna um uppbyggingu öldrunarþjónustu á sínu svæði. Þjónustuhóparnir eru 43 á landinu.

 

 

 

Í þjónustuhópi Akraness sem nær yfir Akraneskaupstað og Hvalfjarðarsveit eru 72 hjúkrunarrými eða 11,3 á hverja þúsund íbúa. Í þjónustuhópi Borgarbyggðar og nágrennis eru 29 hjúkrunarrými eða 5,2 á hverja þúsund íbúa. Í þjónustuhópi Grundarfjarðar eru 10 rými eða 10,3 á hverja þúsund íbúa. Í Snæfellsbæ eru einnig 10 rými eða 5,7 á hverja þúsund íbúa og í þjónustuhópi Stykkishólmsbæjar eru 19 rými eða 15,6 rými á hverja þúsund íbúa. Í þjónustuhópi Dalabyggðar eru rýmin 48 talsins eða 49,5 á hverja þúsund íbúa og er þetta eins og áður sagði hæsta hlutfall á landinu. Á landinu öllu eru rýmin 2.554 talsins eða 8,5 á hverja þúsund íbúa.

 

Þingmaðurinn spurði einnig um hversu margir aldraðir eru á biðlista eftir hjúkrunarrými. Fram kemur í svari ráðherra að í Norðvesturkjördæmi eru 4 einstaklingar í brýnni þörf eftir hjúkrunarrýmum og 7 einstaklingar eru í mjög brýnni þörf eftir hjúkrunarrýmum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is