Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. desember. 2006 07:27

FM Óðal fer í loftið 12. desember

Í þrettánda sinn fer FM Óðal í loftið í Borgarnesi þriðjudaginn 12. desember næstkomandi og stendur til föstudagsins 15. desember.  FM Óðal er jólaútvarp barna í grunnskólum Borgarbyggðar og slóðin er www.odal.borgarbyggd.is svo að hægt er að hlusta út um allan heim.Félagsmiðstöð unglinga í Grunnskóla Borgarness heitir Óðal og þar fer þeirra starfsemi fram. Að útvarpsrekstrinum standa því unglingar í Nemendafélagi Grunnskóla Borgarness, en nemendafélagsstjórnum hinna skólanna í Borgarbyggð; Kleppjárnsreykjum og Varmalandi ásamt Laugagerði er boðið að vera með þátt í útvarpinu þar sem fram kemur kynning á félagslífi á hverjum stað.

 

Jólaútvarp unglinga í Óðali fór fyrst í loftið árið 1993 með ávarpi þáverandi útvarpsstjóra Margrétar H. Gísladóttur sem þá var formaður nemendafélagsins.   Að sögn Indriða Jósafatssonar æskulýðsfulltrúa hafa eins og nærri má geta ótal einstaklingar stigið sín fyrstu spor í því að koma fram á þessum vettvangi.  Í dag er það orðið hluti af íslenskukennslu í öllum bekkjum unglingastigs Grunnskóla Borgarness að gera útvarpshandrit, hvort sem það er notað eða ekki. Bara til að æfa börnin í að gera skiljanlegt handrit á góðu máli og sem allir geta lesið.

“Að vera í beinni,” er nokkuð sem krefst mikillar þjálfunar og því standa yfir upptökur þessa dagana á efni sem yngstu bekkirnir eru með og verður flutt í útvarpinu þegar það fer í loftið.

 

Að venju verður útvarpið formlega opnað með ávarpi útvarpsstjóra, sem þetta árið er Elvar M. Ólafsson, sem jafnframt er formaður nemendafélags Grunnskóla Borgarness.

FM Óðal sendir út á 101.3 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is