Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. desember. 2006 12:51

Unglingadeildin Arnes stofnuð á Akranesi

Í haust var stofnuð innan Björgunarfélags Akraness unglingadeild sem hlaut nafnið Unglingdeildin Arnes. Nafn sveitarinnar er dregið af útilegumanni þeim sem vann sér það til frægðar og ef til vill lífs að snúa á leitarmenn í Akrafjalli árið 1750. Ásgeir Kristinsson formaður Björgunarfélags Akraness segir að með starfsemi sveitarinnar vilji félagið stuðla að heilbrigðu félagsstarfi meðal unglinga og breikka um leið grunninn að starfi félagsins.

 

 

Hann segir að áður hafi inntaka í nýliðastarf miðast við sextán ára aldur en með stofnun sveitarinnar hafi verið ákveðið að færa aldurinn niður í fjórtán ára. Félagið hafi undanfarið fylgst með umræðu um brottfall unglinga úr íþróttastarfi og einnig að sú áhersla sem lögð er á keppni og frama í íþróttum henti alls ekki öllum. Með stofnun unglingadeildarinnar verði til nýr valkostur í félagsstarfi unglinga.

 

„Við ákváðum að fara hægt á stað í haust og tókum einungis tuttugu unglinga úr níunda og tíunda bekk grunnskóla inn. Þessir unglingar starfa í einum hópi innan deildarinnar, en vænta má þess að ef við fáum tækifæri til og öflugan stuðning bæjarbúa við aðalfjáröflun okkar, flugeldasöluna nú um áramótin  þá verði hægt að bæta tveimur til þremur hópum við í þessu unglingastarfi okkar næsta haust“ segir Ásgeir.

 

Hann segir starf deildarinnar hafa verið fjölbreytt í haust og krakkarnir fái einstakt tækifæri að hans mati til þess að kynnast náttúru Íslands frá ýmsum sjónarhornum auk þess sem þau hafi tekið þátt í hluta af starfi björgunarsveitarinnar og nefnir sem dæmi að þau hafi að mestu séð um sölu Neyðarkallsins á dögunum á Akranesi. Þá hafi þau fengið kennslu í fyrstu hjálp, ferðamennsku og rötun svo eitthvað sé nefnt og vetrarstarfi þeirra ljúki með námskeiði í útivistarskólanum á Gufuskálum í vor.

 

„Með starfi þessara tæplega 50 unglinga erum við að skapa kraftmikla framtíð í starfi Björgunarfélags Akrness“ segir Ásgeir að lokum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is