Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. desember. 2006 01:30

Nýtt hús Björgunarfélags Akraness vígt

Í gær var stór dagur hjá félögum í Björgunarfélagi Akraness því síðdegis var formlega vígt nýtt 300 fermetra húsnæði félagsins í nýjum iðngörðum við Kalmansbraut. Aðstaða félagsins verður í um helmingi hússins, en þar eru einnig til húsa Pípó og Hljóðkerfaleiga Ísólfs Haraldssonar. Þetta nýja húsnæði Björgunarfélagsins kemur til viðbótar þeirri aðstöðu sem félagið hefur fyrir starfsemi sína í norðurenda hússins við hliðina sem einnig er bækistöð Slökkviliðs Akraness.

 

Um 100 manns voru viðstaddir vígsluna. Séra Björn Jónsson, fyrrum sóknarprestur blessaði húsið og starfsemina þar og vígði húsið. Gísli S Einarsson færði kveðjur bæjarstjórnar með fyrirheit um áframhaldandi stuðning við félagið. Ásgeir Örn Kristinsson flutti ávarp og skrifaði jafnframt undir styrktarsamning við KB banka á Akranesi. Þá rituðu hann og Einar Örn Thorlacius, sveitarstjóri Hvalfjarðarsveitar undir viljayfirlýsingu um samstarf sem einkum felst í stuðningi Hvalfjarðarsveitar við Björgunarfélagið sem sinnir auk Akranesi svæðinu sunnan Skarðsheiðar. Þá veitti kvennadeild félagsins styrk til nýstofnaðrar unglingadeildar.

 

Sigurgeir Guðmundsson, formaður Slysavarnarfélagsins Landsbjargar ávarpaði gesti og gat þess sérstaklega að Björgunarfélag Akraness væri þekkt meðal landssamtakanna fyrir kröftuga starfsemi og ekki síst fyrir góða umgengni og snyrtimennsku í starfsstöðvum sínum. Væri félagið fyrirmyndarfélag sem Landsbjörg nefndi einatt þegar vísa ætti á björgunarsveit sem væri að sinna starfi sínu einkar vel.

 

Við þetta tilefni var Elí Halldórsson gerður að heiðursmeðlimi Björgunarfélags Akraness og hann heiðraður fyrir gott starf í þágu félagsins í áratugi.

 

 

Mynd: Séra Björn Jónsson, fv. sóknarprestur blessaði húsið og vígði. Honum á hægri hönd er nafni hans Guðmundsson sem stýrði samkomunni.

 

Sjá fleiri myndir í Skessuhorni sem kemur út í næstu viku.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is