Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. desember. 2006 04:22

Vilja viðræður við Spöl um tvöföldun Vesturlandsvegar

Stjórn Samtaka sveitarfélaga á Vesturlandi ákvað á fundi sínum í gærmorgun að skipa viðræðuhóp til að ræða við forsvarsmenn Spalar, sem rekur Hvalfjarðargöngin, að taka þátt í endurbótum á vegakerfi Vesturlands. Er þar fyrst og fremst verið að horfa til tvöföldunar Vesturlandsvegar alla leið frá Reykjavík að Bifröst í Borgarfirði. Þar á meðal er tvöföldun Hvalfjarðarganganna. Sigríðar Finsen, formaður SSV sagði í samtali við RUV að Vaxtarsamningur Vesturlands geri reyndar ráð fyrir tvöföldun að Hvalfjarðargöngum að sunnanverðu en þremur akgreinum frá norðanverðum Hvalfjarðargöngum og að Bifröst. Hinsvegar segir hún að það verði væntanlega skoðað í viðræðunum við Spöl hversu langt menn horfa fram á veginn.

 

Sigríður segir ekkert liggja fyrir um hvaða áhrif samstarfið við Spöl hefði á frekari gjaldtöku á þessari leið eða í hvaða formi hún yrði. Það eigi eftir að ræða og útfæra.

“Það sem við sjáum með þessu er að það er fýsilegur kostur að leita eftir samstarfi við aðila sem hafa reynslu af stórframkvæmdum á sviði vegagerðarmannvirkja og rekstri þeirra. Við teljum að hugsanleg aðkoma Spalar að tvöföldun Vesturlandsvegar geti flýtt fyrir þessum framkvæmdum. Þetta er alveg óháð umræðunni um Suðurlandsveg að undanförnu. Þetta eru mál sem brenna á okkur óháð því hvað aðrir eru að hugsa og þörfin er brýn. Það er gífurleg umferðaraukning á þessari leið og við megum ekki gleyma því að þetta er leiðin norður í land og vestur á firði,” segir Sigríður.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is