Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. desember. 2006 10:00

Fangelsi og sekt fyrir að hóta og sparka í lögreglumenn

Héraðsdómur Vesturlands hefur dæmt mann í þriggja mánaða skilorðsbundið fangelsi og og annan mann til greiðslu sektar fyrir hótanir í garð lögregluþjóna og einnig að hafa sparkað í lögreglumann. Lögregla var kölluð að veitingastaðnum Café Mörk á Akranesi þar sem mönnunum hafði verið vísað út af staðnum. Lögreglumenn gerðu mönnunum grein fyrir því að nærveru þeirra væri ekki óskað. Þeir vildu hins vegar ekki halda á brott og var annar þeirra mjög ógnandi í garð lögreglu. Hann var því færður í járn og fluttur á lögreglustöð.

 

 

Þegar hann var fluttur úr lögreglubíl í fangaklefa sparkaði hann í fætur lögreglumanna og hótaði þeim lífláti. Hinn maðurinn sem ákærður var hindraði lögreglumenn í störfum sínum á vettvangi og kom síðar á lögreglustöðina og sinnti ekki tilmælum um að hverfa þaðan. Var hann því einnig handtekinn og færður í fangaklefa.


Fyrir dómi þvertók annar hinna ákærðu að hafa haft í hótunum og einnig neitaði hann að hafa sparkað í lögreglumenn. Með framburði vitna þótti dómara sök hans sönnuð.  Hinn játaði  afdráttarlaust brot sitt.

 

Eins og áður sagði var annar hinna ákærðu dæmdur í þriggja mánaða skilorðsbundið fangelsi og fellur sú refsing niður haldi hann skilorð í þrjú ár. Hinn var dæmdur til greiðslu 50 þúsund króna sektar og verði hún ekki greidd innan fjögurra vikna sætir hann fangelsi í fjóra daga.

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is