Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. desember. 2006 12:56

Tölvuþjónustan - SecurStore fær vottun skv ISO 27001

Tölvuþjónustan – SecurStore ehf. hefur fengið alþjóðlega öryggisvottun á starfsemi sína á Íslandi og í Bretlandi samkvæmt staðlinum ISO 27001. Við innleiðingu staðalsins var sérstök áhersla lögð á SecurStore afritunarlausnina. Tölvuþjónustan - SecurStore ehf., TÞS, var stofnuð árið 1991 og hefur frá þeim tíma sérhæft sig í rekstri tölvu- og upplýsingakerfa fyrirtækja. Alexander Eiríksson, framkvæmdastjóri TÞS segir vottunina ekki aðeins staðfestingu metnaðarfullrar stefnu fyrirtækisins, heldur einnig nauðsynlegan þátt í útrás þess til Bretlands. Fyrirtækið hóf þar starfsemi fyrr á þessu ári og hefur þegar náð fótfestu þar ytra með SecurStore afritunarlausn sína.

 

Á meðal viðskiptavina hér heima eru nú þegar mörg af stærstu fyrirtækjum landsins. „Vottunin tekur yfir alla starfsemi fyrirtækisins, bæði hér á landi og í Bretlandi. TÞS er með uppsetta gagnamiðstöð í Lundúnum, þar sem flestir erlendir viðskiptavinir kjósa að afrita gögn sín. ISO 27001 er staðall þar sem tekið á stjórnkerfi upplýsingaöryggis. Þessi vottun er mikilvæg fyrir viðskiptavini fyrirtækisins og hún er vitnisburður um þá áherslu sem fyrirtækið leggur á öryggi gagna viðskiptavina sinna,” segir Alexander.

 

Kröfur um geymslu gagna, öryggi og leynd þeirra hafa orðið stöðugt strangari með hverju árinu. SecurStore afritunarlausnin gerir notendum hennar kleift að afrita gögn sín sjálfvirkt um netið, á hraðvirkan og öruggan hátt. Öll gögn eru dulkóðuð og þjöppuð áður en þau eru send til gagnamiðstöðva SecurStore á Íslandi eða í Bretlandi. Þannig er hægt að endurheimta öll gögn fyrirtækis á einum stað, jafnvel þótt starfsstöðvar séu víða um heim. Afritunarlausnin styður fjölda stýrikerfa, m.a. Windows, Linux, Unix, Novell, As/400 og Macintosh.

 

BSI á Íslandi annaðist vottunina. Árni H. Kristinsson, framkvæmdastjóri BSI, segir auknar kröfur gerðar til fyrirtækja sem annast afritunarþjónustu, um að öryggi stafrænna gagna sé tryggt og vottað af þriðja aðila. „Í raun felur öryggisvottunin í sér viðurkenningu á því að viðkomandi fyrirtæki sé með virkt áhættumat og uppfylli ströngustu kröfur um öryggi,” segir Árni. BSI er skammstöfun á bresku staðlastofnuninni, British Standards Institute.

 

„TÞS var eitt af fyrstu fyrirtækjunum á Íslandi til að hljóta vottun samkvæmt ISO 27001,” segir Jónas S. Sverrisson, en hann og Ólafur R. Rafnsson hjá Capacent sáu um ráðgjöf við innleiðingu staðalsins.  „Innleiðingin hjá TÞS tókst í alla staði mjög vel og tók stuttan tíma. Starfsfólk fyrirtækisins var tilbúið að tileinka sér nýja og bætta starfshætti, sem tryggja meiri gæði og áreiðanleika í allri þjónustu. Vottunin á eftir að auðvelda TÞS markaðssókn sína bæði á Íslandi og í útlöndum,” segir Jónas.

Á myndinni er Alexander Eiríksson, framkvæmdastjóri Tölvuþjónustunnar - SecurStore ehf. (t.v.) að taka við ISO 27001 vottunarskjalinu úr hendi Árna H. Kristinssonar, framkvæmdastjóra BSI á Íslandi.

 

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is