Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. janúar. 2007 06:47

Vegleg fjölskylduhátíð á vígslu Grábrókarveitu

Vígsla Gráborgarveitu, nýrrar vatnsveitu Orkuveitu Reykjavíkur í Borgarfirði, fer fram föstudaginn 5. janúar 2007 með veglegri hátíð. Það gerist ekki á hverjum degi að heilt sveitarfélag fái aðgang að nýrri vatnsveitu sem þessari, þar sem hraunsíað hágæða vatn úr Norðurárdal mun leika um krana íbúanna. Því þótti tilefni til að fagna tímamótunum með hátíð allrar fjölskyldunnar í stað hefðbundinnar skálarræðusamkomu.  Vígslan fer fram í Skallagrímsgarði í Borgarnesi ef veðurguðirnir samþykkja þá tilhögun. Ef ekki þá verður athöfnin færð inn í íþróttahúsið í Borgarnesi.

 

Vígslan hefst kl. 17:00 með stuttum ávörpum. Að þeim orðum sögðum mun hvert atriðið reka annað: Snorri Hjálmarsson tenór ásamt Páli á Húsafelli með steinhörpuna stíga fyrstir á stokk, þá kemur Bjarni töframaður og galdrar, barnakór flytur nokkur lög, Gísli Einarsson flytur vatnshugvekju og síðast en ekki síst kemur stórsveitin Á móti sól með Magna Ásgeirssyni í broddi fylkingar og skemmtir í Skallagrímsgarðinum.  Hátíðinni lýkur síðan með mikilli flugeldasýningu á íþróttavallarsvæðinu sem björgunarsveitin Brák stýrir.  Á meðan dagskrá verður á sviði munu skátar úr Borgarnesi, sem eru á leið á alheimsmót skáta næsta sumar, sjá um að skenkja gestum í Skallagrímsgarði heitu kakói og kleinum í boði OR. Einnig munu "klakaskurðarmeistarar" vera að störfum meðan dagskrá varir. OR vonast til að sem flestir sjái sér fært að mæta í Skallagrímsgarðinn og minnir fólk á að klæða sig eftir veðri, í samræmi við árstíma og verðurfar.

 

Leysir verulegan neysluvatnsvanda

Þegar Orkuveitan eignaðist vatnsveiturnar í Borgarnesi og á Bifröst var það áskilið við kaupin að fyrirtækið réðist í endurbætur á vatnsöflun fyrir héraðið, sem þegar voru áform um. Víða í byggðum Borgarfjarðar var þá úrbóta þörf hvað varðar magn neysluvatns og gæði þess. Vænlegast þótti að leita fanga í Grábrókarhrauni og við tilraunaboranir þar á árinu 2004 fundust prýðileg vatnsból í grennd við Bifröst. Nú er lokið lögn nýrrar vatnsæðar allt frá Bifröst í Borgarnes og er hún ríflega 30 kílómetra löng. Á leiðinni eru nokkrar stórar sumarhúsabyggðir auk bújarða og gefst þeim kostur á að tengjast nýju lögninni. Talsverður skortur hefur verið á góðu neysluvatni í nokkrum þessara byggða og munu byggðirnar í Munaðarnesi og Stóru Skógum t.a.m. njóta vatns úr Grábrókarveitunni. Lagning vatnsleiðslunnar hefur staðið frá árinu 2004 en leitast var við að fella framkvæmdir við lögn hennar saman við vegagerð. Lögnin liggur meðfram þjóðvegi 1 um Borgarfjörð en síðustu misseri hafa endurbætur staðið yfir á hringveginum á hluta milli Borgarness og Bifrastar. VST í Borgarnesi hannaði nýju veituna en verktakafyrirtæki heimamanna, Borgarverk og Sólfell, sáu að mestu um verklegar framkvæmdir.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is