Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. janúar. 2007 09:15

Umboðsmaður Alþingis aðhefst ekki vegna breytinga á bæjarmálasamþykkt

Umboðsmaður Alþingis telur ekki tilefni til frekari athugunar af sinni hálfu, vegna kvörtunar Gunnars Arnar Gunnarssonar bæjarfulltrúa minnihluta bæjarstjórnar Snæfellsbæjar yfir úrskurði félagsmálaráðuneytisins frá 10. ágúst. Í þeim úrskurði var ekki gerð athugasemd við málsmeðferð bæjarstjórnar Snæfellsbæjar við endurskoðun samþykktar um stjórn Snæfellsbæjar og fundarsköp bæjarstjórnar.

 

 

Upphaflega hafði bæjarstjórn samþykkt umræddar breytingar að lokinni seinni umræðu þann 27. apríl 2006. Áður en ráðuneytið hafði staðfest þá breytingu samþykkti bæjarstjórn frekari breytingar að lokinni fyrri umræðu á fundi þann 15. júní. Þar sem bæjarstjórn samþykkti einnig á þessum fundi tillögu um sumarfrí í júlí og ágúst var málinu vísað til seinni umræðu í bæjarráði, sem bæjarstjórn hafði veitt fullt umboð til starfa sem bæjarstjórn.

 

Við þá afgreiðslu bókaði Gunnar Örn hörð mótmæli við því að seinni umræða færi fram í bæjarráði en ekki bæjarstjórn. Vísaði hann meðal annars til samtals við „lögmann félagsmálaráðuneytisins og lögmann samtaka sveitarfélaga sem báðir efuðust um réttmæti þess að færa þessa umræðu yfir í bæjarráð í sumarleyfi bæjarstjórnar“ sagði m.a. í bókuninni.

 

Kærði Gunnar Örn málið til félagsmálaráðuneytisins sem eins og áður sagði gerði ekki athugasemd við málsmeðferðina. Kvartaði hann því til Umboðsmanns Alþingis.

 

Í áliti Umboðsmanns segir m.a.: „Það er ljóst að samkvæmt þessu að breytingin sem gerð var á ákvæði 67. gr. samþykktarinnar fólst í því að bæjarstjóra var falið ráðningarvald í málefnum almennra starfsmanna í stað bæjarstjórnar Snæfellsbæjar. Með tilliti til eðlis þessarar breytingar tel ég ekki vera tilefni til að gera athugasemd við þá niðurstöðu félagsmálaráðuneytisins að sveitarstjórn Snæfellsbæjar hafi ekki borið að hafa tvær umræður um efni breytingartillögunnar. Það hafi verið heimilt að hafa eina umræðu um efni hennar.“

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is