Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. janúar. 2007 03:30

Útvarpsstjóri vísar íbúum í Hvalfjarðarsveit á gervitungl

Útvarpsstjóri hefur í bréfi til sveitarstjórnar Hvalfjarðarsveitar bent á væntanlega útsendingu sjónvarpsefnis um gervitungl sem laust fyrir íbúa í Svínadal en þeir hafa kvartað undan slæmum móttökuskilyrðum sjónvarps. Vakti Einar Örn Thorlacius sveitarstjóri Hvalfjarðarsveitar máls á málinu við útvarpsstjóra. Í Svínadal eru nokkur lögbýli auk þess sem þar er vaxandi sumarbústaðasvæði.

 

Í bréfi sveitarstjórans kemur fram að á þessu svæði séu móttökuskilyrði sjónvarps mjög léleg. Bendir hann útvarpsstjóra á að fyrir nokkrum árum hafi verið reist möstur fyrir GSM senda í Miðfellsmúla sem er fyrir ofan byggðina í Svínadal og því liggi nokkuð beint við að setja upp sjónvarpssendi á þessum stað.

 

Í bréfi Páls Magnússonar útvarpsstjóra segir að Ríkisútvarpinu sé ljóst að þörf sé á úrbótum í Svínadal. Þar  sem stafræn sjónvarpsdreifing muni hins vegar leysa núverandi sjónvarpsdreifikerfi af hólmi á allra næstu árum séu úrbætur á núverandi kerfi takmarkaðar við þéttbýli og úrbætur í dreifbýli bíði því eftir stafrænni uppbyggingu dreifikerfisins.

 

Útvarpsstjóri bendir hins vegar á að í samvinnu við stjórn fjarskiptasjóðs sé nú unnið að samningagerð um dreifingu á dagskrám Ríkisútvarpsins um gervitungl. Þær útsendingar séu ætlaðar svæðum í dreifbýli sem ekki búa við fullnægjandi skilyrði svo og stærri skipum. Á næstu vikum muni liggja fyrir hvaða gervitungl verði notað til þessara útsendinga. Vonar útvarpsstjóri að þessar útsendingar muni nýtast Hvalfjarðarsveit vel.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is