Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. janúar. 2007 05:57

Eydís Líndal er Íþróttamaður Akraness árið 2006

Síðdegis í dag var tilkynnt að Eydís Líndal Finnbogadóttir hefði sigrað í kosningu um sæmdarheitið Íþróttamaður Akraness árið 2006. Það var gert við hátíðlega athöfn í íþróttamiðstöðinni að Jaðarsbökkum. Aðildarfélög Íþróttabandalags Akraness tilnefndu ellefu íþróttamenn úr sínum röðum til kjörsins.  Fram kom í máli Jóns Þórs Þórðarsonar, framkvæmdastjóra ÍA að á sl. ári hafi Skagamenn eignast hvorki fleiri né færri en 54 Íslandsmeistara í 8 íþróttagreinum; 9 í badminton, 7 í fimleikum, 1 í golfi auk þess sem kvennalið GL varð Íslandsmeistari í 2. deild, íþróttafélagið Þjótur eignaðist 3 Íslandsmeistara, karatefélagið 8, keilufélagið 2, sundfélagið 12 og loks varð 4. flokkur karla Íslandsmeistari innanhúss.

 

Í þriðja sæti í kjörinu um Íþróttamann Akraness árið 2006 varð Bjarni Guðjónsson knattspyrnumaður og í öðru sæti varð Valdís Þóra Jónsdóttir golfari.

 

Eins og áður segir sigraði Eydís Líndal Finnbogadóttir. Árið 2006 var stórkostlegt ár hjá Eydísi. Hún vann alla titla sem hægt er að vinna í meistaraflokki kvenna á árinu og hefur því sýnt og sannað að hún er besta karatekona landsins í dag. Framlag hennar skipti einnig sköpum í að Karatefélag Akraness varð Íslandsmeistari félaga í kumite í nóvember sl.

 

Eftirtaldir íþróttamenn voru tilnefndir af sínum félögum til kjörsins:

Badmintonmaður ársins: Drífa Harðardóttir

Fimleikamaður ársins: Díana Bergsdóttir

Hestaíþróttamaður ársins: Ingibergur Jónsson

Íþróttamaður Þjóts: Andri Jónsson

Kylfingur ársins: Valdís Þóra Jónsdóttir

Karatemaður ársins: Eydís Líndal Finnbogadóttir

Keilumaður ársins: Magnús Sigurjón Guðmundsson

Knattspyrnumaður ársins: Bjarni Guðjónsson

Körfuknattleiksmaður ársins: Trausti Freyr Jónsson

Sundmaður ársins: Rakel Gunnlaugsdóttir

Íþróttamaður Ungmennafélagsins Skipaskaga:  Viðar Freyr Viðarsson. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is