Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. janúar. 2007 05:10

Borgarplast hætt starfsemi í Borgarnesi

Iðnaðarframleiðslufyrirtækið Borgarplast hf. var stofnað í Borgarnesi árið 1971 með uppsetningu frauðplastverksmiðju sem þar hefur verið starfrækt allar götur síðan, eða fram til nýliðinna áramóta. Fyrirtækið hefur á þessum tíma vaxið og dafnað og hjá því starfa í dag um hálft hundrað manna. Nú hefur sú breyting orðið að starfsemi fyrirtækisins bæði í Borgarnesi sem og framleiðslan á Seltjarnarnesi verður flutt í 5500 fm. húsnæði við Völuteig í Mosfellsbæ.

 

Það hús var lengi í eigu Sæmundur Sigmundsson, sérleyfishafi í Borgarnesi. Þyrping keypti húsið af Sæmundi fyrir nokkru og nýtti það síðan til makaskipta á því húsnæði sem Borgarplast hefur átt og nýtt á undanförnum árum að Sefgörðum á Seltjarnarnesi. Með þessum tilfærslum lýkur 35 ára sögu Borgarplasts í Borgarnesi og voru framleiðsluvélarnar fluttar úr húsinu við Sólbakka í Borgarnesi fyrir liðna helgi. Öllum starfsmönnum fyrirtækisins í Borgarnesi var boðið starf í Mosfellsbæ en einungis hluti þeirra nýtti sér það.

 

Að sögn Guðna Þórðarsonar, framkvæmdastjóra Borgarplasts var ástæða flutninganna úr Borgarnesi af hagrænum toga. Þó sagði hann að framleiðslan í Borgarnesi hafi á undanförnum árum gengið ágætlega og staðið undir sér sem slík. Guðni sagði þó ótvíræðan kost að hafa framleiðsluna sem þessa alla undir einu þaki. Fyrirtækið þurfi að gæta hagræðingar á öllum sviðum enda samkeppni mikil á markaði, en hann segir markaðshlutdeild Borgarplasts í dag einungis vera um 6-7% í frauðplastframleiðslu hér á landi.  

 

 

Á myndinni eru starfsmenn Borgarplasts í Borgarnesi með síðasta frauðkassann sem steyptur var þar. F.v. Guðmundur Árnason, Pétur Hanson og Sveinn Jónasson.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is