Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. janúar. 2007 02:30

Moody´s gefur Orkuveitunni Aa2

Orkuveita Reykjavíkur fékk í dag lánshæfiseinkunnina Aa2 hjá alþjóðlega matsfyrirtækinu Moody’s. Í tilkynningu Orkuveitunnar til Kauphallar Íslands kemur fram lítil eða óveruleg áhætta sé í rekstri fyrirtækisins, að mati Moody’s, en bent er á að vægi tekna þess af samkeppnisrekstri muni fara vaxandi. Styrkur Orkuveitunnar sjálfrar og Reykjavíkurborgar sem bakhjarls fyrirtækisins telur Moody’s til helstu kosta Orkuveitunnar og lýsir henni sem alhliða veitufyrirtæki sem einbeiti sér að umhverfisvænni orkuframleiðslu úr jarðhita.

 

 

Í tilkynningunni segir Guðmundur Þóroddsson forstjóri Orkuveitu Reykjavíkur að athyglisvert sé hvað umhverfismál og sterk ímynd Orkuveitunnar í umhverfisvænni orku og umgengni við náttúruna séu farin að skipta miklu máli í mati á öllum þáttum starfseminnar. „Það er ákaflega mikilvægt og gagnlegt að hafa fengið þessa alþjóðlegu sérfræðinga til að fara í gegnum reksturinn hjá okkur og vitaskuld ánægjulegt að fá þetta góða mat á styrk fyrirtækisins, rekstri þess og áætlunum.“

 

Guðmundur segir ástæðu þess að Orkuveitan réðst í að afla sér alþjóðlegrar lánshæfiseinkunnar vera þá, að framundan séu miklar fjárfestingar hjá fyrirtækinu. Þegar lánsfjár verði aflað til þeirra verkefna skipti miklu máli að geta leitað hagstæðustu kjara sem víðast og lánshæfismatið geri það mögulegt. Sjö aðilar á Íslandi hafa gengist undir alþjóðlegt lánshæfismat, þar á meðal stærstu fjármálafyrirtækin. Orkuveita Reykjavíkur fær bestu einkunn þessara fyrirtækja, ef frá eru skilin þau sem njóta ríkisábyrgðar.

 

Moody’s segir framtíðarhorfur lánshæfis Orkuveitu Reykjavíkur stöðugar. Eigendur Orkuveitu Reykjavíkur eru Reykjavíkurborg með 93,539% eignarhlut, Akraneskaupstaður með 5,528% og Borgarbyggð með 0,933%.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is