Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. janúar. 2007 03:08

Samgönguverðlaun veitt í fyrsta sinn vorið 2007

Samgönguráðherra hefur ákveðið að veita samgönguverðlaun. Viðurkenningin verður veitt árlega þeim einstaklingi, samtökum eða stofnun sem þykir hafa lagt fram verðmætan skerf á einhverju sviði samgöngumála. Veitt verða peningaverðlaun auk verðlaunagrips. Leitað verður tilnefninga og mun starfshópur meta þær og/eða koma sjálfur með ábendingar. Starfshópurinn leggur tillögu sína um verðlaunahafa fyrir samgönguráðherra til ákvörðunar. Verðlaunin verða fyrst veitt vorið 2007 fyrir verkefni sem unnin hafa verið eða komið fram á árinu sem er að líða.

 

Allar hliðar samgöngumála falla undir samgönguráðuneytið en þau eru flugmál, siglingamál og vegamál, en einnig ferðamál, póstmál og fjarskipti. Með samgönguáætlun eru lagðar línur tólf ár í senn fyrir hvern þessara þátta og undir áætlunina falla einnig öryggisáætlanir fyrir hvert svið samgangna.

 

Samgönguverðlaun geta því tekið til verkefna á öllum þessum sviðum. Þau geta verið veitt fyrir verkefni sem þegar hafa komið til framkvæmda svo sem á sviði hönnunar, framkvæmda, markaðsaðgerða, forvarna eða öryggismála en einnig fyrir hugmyndir eða áætlanir á þessum sviðum sem talin eru geta verið til framdráttar samgöngumálum landsmanna.

 

Öllum er frjálst að koma með tilnefningar til samgönguverðlauna. Æskilegt er að samtök og stofnanir á hverju sviði samgangna hafi frumkvæði og brýni menn til dáða á sínu sviði. Tilnefningar þurfa að hafa borist samgönguráðuneytinu eigi síðar en 1. mars 2007. Þeim þurfa að fylgja rökstuðningur fyrir ábendingu og óskað er eftir að nafn tengiliðs fylgi. Tilnefningar sendist á tölvunetfangið postur@sam.stjr.is eða til samgönguráðuneytis, Hafnarhúsinu við Tryggvagötu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is