Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. janúar. 2007 10:55

Samkomulag Vegagerðarinnar og Spalar ehf.

Í samkomulagi Spalar og Vegagerðarinnar sem undirritað var 9. janúar sl. er gert ráð fyrir því að veggjald verði innheimt til ársloka 2018 og verðgildi þess verði í megindráttum svipað og það verður eftir lækkun virðisaukaskatts þann 1. mars 2007. Samkvæmt samkomulaginu verður því hluta tekna Spalar varið til undirbúnings tvöföldunar Hringvegarins á Kjalarnesi og tvöföldunar Hvalfjarðarganga.  

 

Samkomulagið er í heild sinni svohljóðandi:

 

Samkomulag um niðurstöður viðræðna Vegagerðarinnar og Spalar ehf. vegna tvöföldunar Hringvegar á Kjalarnesi og tvöföldunar Hvalfjarðaraganga.

 

  1. 1. Aðilar eru sammála um nauðsyn þess að bæta umferðarmannvirki Hringvegar á Kjalarnesi og fyrirsjáanlega þörf á aukinni afkastagetu Hvalfjarðarganga. Nauðsynlegar framkvæmdir verði m.a. til þess að auka umferðaröryggi. Eftirfarandi efnisatriði voru lögð til grundvallar viðræðum aðila:

i.                     Tvöföldun Hringvegar á Kjalarnesi frá Kollafirði að Hvalfjarðargöngum.

ii.                   Hvalfjarðargöng tvöfölduð.

iii.                  Veggjald verði innheimt í Hvalfjarðargöng í samræmi við gildandi samninga við ríkið og lánasamninga Spalar ehf. til ársloka 2018. Verðgildi gjaldsins haldist í megindráttum frá því sem það verður vorið 2007 eftir að virðisaukaskattur lækkar.

 

  1. 2. Samkomulag er um að Spölur ehf. ljúki að fullu greiðslu láns vegna arðgreiðslna til Vegagerðarinar, sem nemur um 150 m.kr., þann 30. september 2007. Fé þessu verði á árunum 2007 og 2008 varið til undirbúnings vegna tvöföldunar Hringvegar á Kjalarnesi og tvöföldunar Hvalfjarðarganga, t.d. vegna skipulagsmála, til að framkvæma umhverfismat vegna fyrrgreinds vegar og gera umhverfisskýrslu vegna tvöföldunar ganganna, til nauðsynlegra landakaupa vegna vegagerðar frá Kollafirði að Hvalfjarðarvegamótum og eftir atvikum til hönnunar á hinum nýja vegi. Jafnframt mun Vegagerðin leggja fram a.m.k. 100 m.kr., á þessum tveimur árum til þessara verkefna.

 

  1. 3. Aðilar eru sammála um að koma á fót samstarfsnefnd vegna þessara framangreindra verkefna þar sem farið verði yfir framgang einstakra verkþátta og tilhögun og skoðunum aðila komið á framfæri.

 

  1. 4. Aðilar eru sammála um að ræða möguleika áframhaldandi samstarfs, hvað þessum verkefnum viðkemur, þegar efnisatriði samkvæmt 2. tl hafa fengið eðlilegan framgang.

 

Undir samkomulagið rita fyrir hönd Vegagerðarinnar þeir Jón Rögnvaldsson, Jónas Snæbjörnsson og Hreinn Haraldsson. Fyrir hönd Spalar ehf. undirritað samkomulagið Gísli Gíslason, Hallfreður Vilhjálmsson og Gylfi Þórðarson. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is