Vortónleikar Grundartangakórsins verða haldnir í kvöld, miðvikudagskvöldið 6. júní kl. 20:00 í Vinaminni á Akranesi. Um er að ræða létta og skemmtilega dagskrá sem kórinn mun einnig flytja í tónleikaferð sinni til Ítalíu í enda mánaðarins.  Einnig koma fram á tónleikunum Tindatríóið og einsöngvararnir Smári Vífilsson, Bjarni Atlason og Guðlaugur Atlason. Stjórnandi kórsins er Atli Guðlaugsson.  Undirleikarar eru Flosi Einarsson á píanó og Sigurbjörn Kári Hlynsson á gítar.  Aðgangseyrir er kr. 1.000.

(fréttatilkynning)