Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. júní. 2007 11:32

Heimanmundurinn sem villtist til Hvanneyrar

Klukkan 13 hefst á Hvanneyri sýning á verkum Ragnheiðar Sigurðardóttur frá Kolsstöðum. Sýning nefnist „Heimanmundurinn sem villtist af leið“ og fer hún fram í leikfimisalnum, en til að komast að honum er gengið niður á milli kirkjunnar og kirkjugarðsins. Á sýningunni er hluti af þeirri handavinnu sem Ragnheiður hefur unnið í gegnum ævina. Þó verkin fylli heilan leikfimisal eru þau aðeins dropi í hafið á ævistarfinu. Ragnheiður giftist aldrei og segja má að handavinnan sé hennar heimanmundur og nú hefur hann villst af leið og lent á Hvanneyri. Verkin á sýningunni eru öll gjafir sem Ragnheiður gaf Borgfirðingum vinum sínum og þeir sjálfir hafa komið með þær á sýninguna. Meðal þess sem sýnt er eru 234 sængurverasett sem hún gaf nýfæddum börnum. Þau eru mikil hagleiksverk og Ragnheiður heklaði blúndur og milliverk á þeim. Þá hefur hún gert hundruði klukkustrengja og saumahnalla, en það eru stólar með geymslurými fyrir hannyrðir. Ragnheiður hefur einnig stundað postulíns- og ljósmyndamálun. Sýningin er hluti af Borgfirðingahátíð.

 

Kvenfélag Hvítarsíðu sér um kaffisölu á sýningunni og hefur Ragnheiður handbróderað alla dúka á borðum. Ragnheiður hefur helgað líf sitt því að gefa öðrum og ekki selt einn einasta hlut um ævina.

 

Á myndinni sést Ragnheiður uppvarta í fermingu Kristína Halldórsdóttur heitinnar sem síðast bjó í Fljótstungu. Myndina tók Jón Bergþórsson frá Fljótstungu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is