Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. júní. 2007 05:40

Nýtt byggðamerki Hvalfjarðarsveitar

Í dag var afhjúpað nýtt byggðamerki Hvalfjarðarsveitar við hátíðlega athöfn að Hlöðum. Líkt og Skessuhorn hefur greint frá stóð sveitarstjórn fyrir samkeppni um byggðarmerki, fljótlega eftir sameiningu hreppanna fjögurra í nýtt sveitarfélag. Tæplega sjötíu tillögur bárust til dómnefndar og var tillaga Arnars Steinþórssonar valin hlutsköpust af dómnefnd. Arnar sagði að hann hefði reynt að nýta einfalt myndmál í sinni tillögu. Þar væri á ferð hvalur sem myndaði kross með sporðinum og vísaði þannig í Hallgrím Pétursson og Saurbæ, auk hvalsins í nafni sveitarfélagsins. Arnar dáðist að hugrekki dómnefndar að velja rautt merki, hann hefði einnig sent merkið inn í bláum lit, enda annað hvert byggðamerki blátt í dag.

 

Elísabet Haraldsdóttir, menningarfulltrúi Vesturlands og formaður dómnefndar, sagði að við val byggðamerkis þyrfti að hafa margt í huga. Merkið þyrfti að vera sterkt og festast í minni. Það þyrfti að þekkjast úr fjarlægð og þola bæði að vera minnkað á bréfsefni og stimpla og stækkað á fána og skildi. Þá þyrfti það að vera fallegt báðum megin og geta blaktað á fánum. Nýja merkið hefði alla þessa eiginleika til að bera og vel það.

Sr. Kristinn Jens Sigurþórsson, sóknarprestur í Saurbæ, flutti stutt ávarp og lýsti ánægju sinni með merkið. Hann sagðist varla þora að nefna hver fyrstu hughrifin hefðu verið, hann gæti skemmt fyrir merkinu en ákvað að láta það vaða. „Kirkjan ferðast á hraða snigilsins.“ Þórhallur Kristjánsson varð í öðru sæti í samkeppninni og Lilja Ívarsdóttir í því þriðja.

 

Á myndinni sjást tveir ungir piltar úr Hvalfjarðarsveit halda nýja merkinu hátt á lofti. Arnar Steinþórsson, höfundur merkisins, stendur lengst til vinstri við hlið Hallfreðs Vilhjálmssonar oddvita.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is