Torfi og Gunnólfur undirrita samninginn

Undirritaður var síðastliðinn mánudag sérstakur samningur milli Dalabyggðar og Vaxtarsamnings Vesturlands um ráðningu starfsmanns fyrir Dalabyggð. Að sögn Torfa Jóhannessonar, verkefnisstjóra Vaxtarsamningsins var verið að undirrita samstarfssamning um ráðningu ferða,- markaðs- og menningarfulltrúa fyrir Dalabyggð og gildir samningurinn í þjú ár. „Þetta samstarf felst í því að Vaxtasamningurinn tekur þátt í launakostnaði starfsmannsins. Einnig eru nokkur atriði í samningnum sem nýtast mun Dalamönnum á komandi árum. Þar er meðal annars talað um að tryggja til frambúðar ungmenna- og tómstundabúðir að Laugum, upplýsingatækni á Vesturlandi, auka arðsemi hlunninda og fleira.