Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. júní. 2007 01:58

Naumt tap hjá Víkingi í Ólafsvík

Víkingur Ólafsvík tapaði naumlega fyrir ÍBV á heimavelli sínum í gærkvöldi, lokatölur urðu 0-1 gestunum í vil. Það var kalt en sólskin í Ólafsvík í gær. Víkingar þurftu að koma til baka eftir erfiðan útileik sem tapaðist 8-1 í Grafarvoginum, en Eyjamenn unnu seinasta leik 3-0 auðveldlega á móti Stjörnunni. Víkingar voru hins vegar mun beittari en Eyjamenn allan leikinn og mátti ekki sjá hvort liðið hefði fallið úr úrvalsdeild fyrir ári. Eyjamenn áttu eitt hættulegt færi í fyrri hálfleiknum þegar Anton Bjarnason komst inn fyrir en Einar Hjörleifsson varði það glæsilega.

Víkingar áttu fjölmörg færi í öllum leiknum, helst má nefna sláarskalla Ellerts Hreinssonar sem lenti í skeytunum. Ellert átti svo annan skalla sem Hrafn Davíðsson varði naumlega og Eyjamenn komu boltanum frá. Auk þess átti Þór Steinar Ólafs skot sem Hrafn þurfti að hafa sig allan við til að verja.

Aljaz Horvat átti svo sláarskot úr aukaspyrnu frá miðjunni. Leikurinn tafðist þegar Páli Hjarðar og Matej Grobovsek lentu saman inn í vítateig Eyjamanna, sá síðarnefndi var sendur útaf á börum og í sjúkrabíl, haldið er að hann hafi farið úr axlarlið. Það var svo á 83 mínútu að Páll Hjarðar skoraði eftir hornspyrnu, eina markverða marktækifæri ÍBV í seinni hálfleik. Víkingar vildu svo fá vítaspyrnu í blálokin þegar varamaðurinn Ragnar Smári Guðmundsson féll inn í teig eftir bakhrindingu.

 

Páll Hjarðar fyrirliði ÍBV var að vonum létt eftir leikinn. ,,Við megum bara þakka fyrir stigin þrjú hér í dag, sanngjörnustu úrslitin hefðu verið jafntefli en þó hefði þetta getað dottið báðum megin.” Einar Hjörleifsson fyrirliði Víkings var ekki eins kátur. ,,Úrslitin eru vonbrigði eftir á að hyggja. Við spiluðum feikilega vel heilt yfir og áttum töluvert af færum sem við hefðum átt að nýta. Það var svo klaufaskapur í dekkingu sem skapar þeirra mark og var það alveg gegn gangi leiksins. Næsti leikur er sex stiga leikur og verður dauðans barátta sem við hlökkum til að takast á við."

 

Á myndinni má sjá hvernig skalli Ellerts lendir í skeytunum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is