Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. júní. 2007 01:29

Hækkun á skráningu aukalína í símaskrá

Athugull greiðandi símareiknings kom að máli við Skessuhorn og sýndi fram á mikla hækkun milli ára vegna skráningar í símaskrá. Gjaldið fór úr 491,25 krónum í 1.210 krónur fyrir hverja svokallaða aukalínu í símaskrá og á ja.is þannig að það gjaldið hækkaði um 246%. Viðkomandi greiðandi sem rekur fyrirtæki á Akranesi hafði 16 línur skráðar í símaskrá, greiddi í fyrra 7.856 krónur en 19.360 krónur fyrir skráningarnar í ár.

Sigríður Margrét Oddsdóttir, framkvæmdastjóri ja.is sagði í samtali við Skessuhorn að allar grunnskráningar væru fríar í símaskránna, bæði nöfn, heimili og símanúmer. Þetta gilti bæði um einstaklinga og lögaðila og inni í því væri falin skráning á gulu síðunum. Eingöngu væri rukkað fyrir aukalínur, en það eru fyrirtæki sem helst nýta sér þær. „Símaskráin á vefnum, ja.is, er hinsvegar í mikilli sókn og hana höfum við verið að endurbæta mjög mikið.

Aðsóknin hefur aukist gífurlega í þessa netsímaskrá. Þau gjöld fyrir aukalínurnar sem við höfum verið að rukka fyrir hingað til hafa eingöngu verið fyrir prentaða símaskrá en núna þurfum við að taka fyrir hið sama á vefnum.“

Aðspurð hvers vegna fólk hefði ekki verið varað við þessari miklu hækkun, svo það gæti brugðist við þeim ef vilji væri til þess, svaraði Sigríður Margrét því til að í nóvember hefði tilkynning um þetta verið sett inn á vefinn hjá fyrirtækinu og þetta hefði verið kynnt fyrir símafyrirtækjunum. „Við auglýstum mikið í janúar til að hvetja fólk til að fara yfir skráningar sínar í símakránni áður en frestur til breytinga rynni út. Og í samskiptum okkar við viðskiptavini, vegna breytinga á skráningu, kom verð alltaf fram, þannig að hækkunin ætti að hafa sést. Við lögðum okkur fram um að koma þessu til skila þótt hækkunin hefði ekki verið auglýst sérstaklega,“ sagði Sigríður Margrét.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is