Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. ágúst. 2007 03:21

Danskir dagar í Stykkishólmi um helgina

Danskir dagar verða um helgina í Stykkishólmi og má segja að þeir séu nú þegar hafnir. Heimamenn skreyta í dag bæinn sinn með jólaljósum, blöðrum, fánum og öllu því sem þeir telja að auki vinningslíkur þeirra hverfis í hinni alræmdu Hverfagrillkeppni. Í henni eru það s-in fjögur sem skipta máli: skraut, söngur, stemmning og seðlar/mútur. Á morgun má búast við að gestir streymi í bæinn og þá geta þeir skellt sér í siglingu með Sæferðum fram að grillveislunum, sem haldnar eru í öllum hverfum bæjarins. Í hverfagrillveislunum gægjast gamlir gullbarkar og gítarfingur fram á sjónarsviðið og láta ljós sitt skína. Þeir hörðustu skella sér svo í bæinn á dansleik eða veitingahús.

 

Á Dönskum dögum er laugardagurinn hápunktur dagskráarinnar. Strax kl.10 um morguninn hefst gamanið hjá Grunnskólanum við Borgarbraut. Þar fer fram Skólahreysti í boði Orkunnar, á spánýjum hreystivelli sem fyrirtækið gaf Stykkishólmsbúum í sumar. Á sama tíma geta yngstu börnin farið í leiki á íþróttavellinum með starfsfólki líkamsræktarstöðvarinnar Átak. Að lokinni hreystikeppninni (kl. 13:00) er marserað í skrúðgöngu frá Grunnskólanum að Tívolí svæðinu, sem staðsett er í Plássinu niður við höfn. Þar tekur glæsileg dagskrá við, þar sem helst ber að nefna: Björgin Franz, Dýrin í Hálsaskógi í boði Bónus, Tívolítæki, Veltibíll Sjóvá, Kassaklifur Berserkja, Slökkvibolti með brunaslöngum, Markaðstjöld, Ljósmyndasýning, Legokeppni, Sultu/marmelaðikeppni, Atriði úr söngleiknum Frelsi, Skotkeppni úrvalsdeildarliðs Snæfells, litbolti og Þorrablót í Hólminum svo fátt eitt sé nefnt.

 

Um kvöldið er svo hið margrómaða bryggjuball, þar sem fram koma Hið konunglega Jazzband og hljómsveitirnar Lifun og Stuðbandið. Á miðnætti býður Orkuveita Reykjavíkur upp á flugeldasýningu þar sem skotið er upp frá Súgandisey.

Að lokinni flugeldasýningu eru markaðstjöld áfram opin á hátíðarsvæði og hljómsveitin Stuðbandið mun bera nafn með rentu og halda uppi stuði fram á rauða nótt. Veitingastaðir eru einnig opnir og lofa stemmningu á danska vísu.

Sunnudagur er afslöppunardagur. Hólmarar klæða sig upp og tala einungis dönsku á sunnudögum, eða allavega segir sagan svo. Þeir sem vilja afþreyingu geta tekið þátt í golfmóti, skoðað Vatnasafnið, farið dansk/íslenska messu, hlustað á kvartettinn Blaut í gegn eða bara sleikt sólina á bakkanum í hinni glæsilegu Sundlaug sem Stykkishólmur hefur upp á að bjóða.

 

Á Dönskum dögum verða þrjú tjaldsvæði. Tjaldsvæði 1 og 2 eru staðsett hjá klúbbhúsi golfklúbbsins Mostra, og tjaldsvæði 3 verður á svæði sem kallast Vík. Börn undir 18 ára aldri þurfa að vera í fylgd forráðamanna á tjaldsvæðunum. Mikill öryggisviðbúnaður verður viðhafður. Lögregla, björgunarsveit, slökkvilið, sjúkrahús, vaktþjónusta og aðstandendur hátíðarinnar eru öll tengd inn á sama samskiptakerfi sem ætlað er að tryggja öryggi þeirra sem hátíðina sækja. Lögreglan verður með fíkniefnaleitarhund á svæðinu. Einnig mun lögreglan hella niður áfengi hjá unglingum ef til þeirra sést með slíkt á hátíðarsvæðinu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is