Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. ágúst. 2007 10:20

Engir álfar að trufla vegagerðina - Danshúsið verður þó rifið

Vegfarendur sem leið eiga um Norðurárdal í Borgarfirði hafa án efa tekið eftir því að byrjað er að undirbúa vegagerð í hrauninu við Grábrók. Tíðindamaður blaðsins sagði frá því að álfar væru að trufla vegagerðina en Einar Jónsson, ýtustjóri segist ekkert hafa orðið var við slík. Ekkert óeðlilegt hafi komið upp á sem stutt gæti slíkan orðróm. Hins vegar, sagði Einar, þá væru margir að hafa orð á því við hann að ekki mætti eyðileggja hraunið á þessum slóðum eða klettana sem nú er unnið á til að auðvelda vegagerðina, því það væri svo lítið af t.d. fallegu hrauni á Íslandi. Samt vildi fólk fá veg, bara ekki þarna, því vegurinn um Norðurárdal væri hrikalegur. „Ég hef bent viðkomandi á að fá sér bara hest og leggja bílnum, þá þyrfti ekkert að hafa áhyggjur af klettum eða hrauni. Þeim hefur ekki fundist það spennandi hugmynd,“ sagði Einar.

Í tengslum við vegagerðina á þessu svæði verður gamla danshúsið við Hreðavatnsskála rifið. Margir af eldri kynslóðinni eiga án efa minningar úr því húsi er dansspor voru stigin þar af miklum móð. Aðspurður sagðist Einar ekki vita nákvæmlega hvenær ætti að rífa húsið sem margir hefðu skemmt sér í og margir hefðu vafalaust einnig orðið til í nágrenni þess hér á árum áður. Einari ýtumanni fannst að í húsinu ætti að hafa eitt gott réttarball áður en það hyrfi og fá Sæmund Sigmundsson til að hafa sætaferðir á gömlu rútunni á staðinn, þá yrði þetta allt í réttum anda. Þessari hugmynd er hér með komið á framfæri.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is