Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. ágúst. 2007 11:15

Flest verður nýtnum að notum

Á Vestri Leirárgörðum í Hvalfjarðarsveit býr Fríða Þorsteinsdóttir frá Ölviskrossi, Kolbeinsstaðahreppi í Hnappadal. Hún er komin á níræðisaldur sem erfitt er að sjá miðað við léttleika hreyfinga hennar og útlit. Fríða hefur búið á Vestri Leirárgörðum síðan 1948 er hún og maður hennar Njáll Markússon settust þar að. Þau keyptu jörðina í félagi við annan mann, Einar Helgason. Ári síðar seldi hann sinn part til bróður Njáls, Björns sem seldi þeim sinn hluta nokkrum árum síðar, er hann flutti í Borgarnes. Áður höfðu Fríða og Njáll búið á nokkrum stöðum, eins og títt var um ungt fólk fyrr á tíð, sem var að leita sér að jarðnæði til fastrar búsetu. Fríða fer að heiman átján ára og var aðeins nítján ára er hún giftist. Það var ekkert verið að hafa neina veislu eða óþarfa tilstand. Hjónaleysin fór bara ríðandi að Söðulsholti með kjólinn í hnakktöskunni til að láta pússa sig saman. Efnin voru engin, enda bæði af fátæku fólki komin sem kunni sannarlega að gera mikið úr litlu.

Þau hjón eignuðust tíu börn sem öll komust til fullorðinsára en eitt þeirra er nú látið. Njáll lést langt um aldur fram eða árið 1978, þá voru yngstu börnin aðeins fimmtán ára. Fríða segist hafa orðið amma fertug og fundist það alltof snemmt, líklega af því að hún hafi ekkert verið sérstaklega mikið fyrir börn. Þegar blaðamaður bendir á þá staðreynd að þau hjón hafi eignast tíu börn segir hún það líklega vera tilkomið vegna þess að þau lágu ekki alltaf kjurr og þetta hafi bara farið svona.

 

Sjá ítarlegt viðtal við Fríðu í Vestri Leirárgörðum í Skessuhorni sem kemur út í dag. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is