Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. ágúst. 2007 12:32

Menntaskóli Borgarfjarðar settur í fyrsta sinn

Menntaskóli Borgarfjarðar var settur í fyrsta skipti miðvikudaginn 22. ágúst í Skallagrímsgarði í Borgarnesi að viðstöddu fjölmenni. Athöfnin hófst með klassískum gítarleik Rúnars Þórissonar en hann lék einnig áður en Ársæll Guðmundsson, skólameistari flutti setningarræðu sína. Athöfninni var stjórnað af Lilju S Ólafsdóttur aðstoðarskólameistara en auk hennar tóku til máls Björn Bjarki Þorsteinsson forseti sveitastjórnar Borgarbyggðar, Torfi Jóhannesson formaður stjórnar skólans og Gísli Kjartansson sparisjóðsstjóri Sparisjóðs Mýrasýslu. Við þetta tækifæri veitti Gísli Skólafélagi Menntaskóla Borgarfjarðar rausnarlega gjöf að fjárhæð ein milljón króna til að styrkja frekar við bakið á starfsemi skólans. Að því loknu flutti Ársæll Guðmundsson setningarræðu og setti skólann formlega í fyrsta skipti.

Þorgerður Katrín Gunnarsdóttir menntamálaráðherra sendi kveðjur sínar til samkomunnar en hún komst ekki eins og til stóð þar sem hún var veðurteppt á Höfn í Hornafirði.

 

Tónlist og ilmandi Skallagrímsgarðurinn settu skemmtilegan brag á setningarathöfnina og hafði fólk á orði að það væri gott merki að sólin hafi gægst í gegnum skýin rétt á meðan athöfninni stóð, en rignt hafði mestan hluta dags. Stemningin í garðinum var góð og fluttar voru skemmtilegar og bjartsýnar ræður. Fólk hló innilega og var allt hið ánægðasta enda dagurinn góður. Setningin var kærkomin breyting frá hinum venjubundnu rykföllnu og stofnanakenndu skólasetningum innandyra í loftlausum húsum. Að lokinni setningu var svo gengið að Safnahúsi Borgarfjarðar þar sem skólinn verður til húsa fram að áramótum á meðan lokið er við skólabygginguna. Þar var boðið uppá kaffiveitingar, hægt var að kynna sér starfsemi skólans og endanlegt útlit skólabyggingarinnar nýju auk þess sem fólki var frjálst að flytja hamingjuóskir eða ræður.  Margir nýttu sér það og þá sér í lagi skólastjórar annarra skóla á svæðinu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is