Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. ágúst. 2007 08:25

Kríuvarp heppnaðist vel á Vesturlandi

Kríuvarp virðist hafa heppnast vel á Vesturlandi og á Snæfellsnesi hefur mátt sjá miklar flugæfingar síðustu daga. Tómas G. Gunnarsson, forstöðumaður Háskólaseturs Snæfellsness, sagði í samtali við Skessuhorn að þar á bæ væru menn nokkuð ánægðir með útkomuna. Á landsvísu væri hún hins vegar mjög svæðisbundin. „Þetta helst í hendur við sílin, við sjáum það. Varp virðist hafa heppnast vel hér fyrir vestan og á Noðurlandi, en heppnast miður fyrir sunnan og austan. Það er nátengt fregnum sem maður heyrir af sílunum. Krían veiðir síli í unga sína nokkru eftir að þeir verða fleygir og því hefur mátt fylgjast með undanfarið hér á Nesinu.“

Töluvert hefur borið á dauðum kríuungum á veginum um Snæfellsnes og segir Tómas að ungaframleiðslan sé það mikil að ef menn hugi ekki að sér geti þeir keyrt inn í fuglager. „Starfsmenn Þjóðgarðarins hafa tínt þetta upp og eins hefur maður heyrt af því að bæjarstarfsmenn séu sendir til að hreinsa vegina. Á milli Rifs og Hellissands má oft sjá krökkt af dauðum ungum á veginum og þetta fer eitthvað illa í túristana. Þetta sýnir okkur það hins vegar að varpið hefur gengið vel í þessum stóru vörpum.“

 

Krían er þessa dagana að ferðbúast og heldur brátt í langferð sína suður um höf, en fyrir henni liggur ferð alla leið til Suðurskautslandsins. Jafnvel er talið að hún fari umhverfis Suðurskautið áður en hún snýr aftur í norðurátt næsta vor. Á farfluginu fljúga þær á 45–60 kílómetra hraða á klukkustund í sex til sjö tíma daglega og fara þannig um 300 kílómetra á degi hverjum.. Ferðalagið til Suðurskautsins tekur því um einn og hálfan mánuð, hreint ótrúlegt afrek fyrir fugl sem ekki vegur nema rúm 100 grömm. Þetta er eitt mesta ferðalag sem nokkurt dýr leggur í á jörðinni.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is