Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. september. 2007 09:41

Orkuveitan selur flutningsvirki raforku

Í liðinni viku skrifuðu forstjórar Orkuveitu Reykjavíkur og Landsnets hf. undir samning um kaup Landsnets á flutningsvirkjum í eigu OR. Kaupverðið er 1,3 milljarðar króna og greiðir Landsnet fyrir raforkuvirkin í hlutafé og reiðufé. Guðmundur Þóroddsson, forstjóri Orkuveitu Reykjavíkur segir að salan komi til með að skerpa skil dreifingar og flutnings á raforku, sem sé til þess fallið að auka gegnsæi á markaði. „Okkur hefur tekist á síðustu árum að lækka mjög raunverð raforku til almennings með því að einbeita okkur að því sem við gerum best. Með því að flytja þessar eignir yfir til Landsnets skerpum við okkar áherslur enn frekar,“ segir Guðmundur. Á meðal þeirra eigna sem Orkuveitan selur nú Landsneti er rafstengur frá Nesjavallavirkjun að tengivirkinu við Korpu, Akraneslína auk ýmiss búnaðar í tengivirkjum.

Þórður Guðmundsson, forstjóri Landsnets hf., segir þetta einfalda rekstur flutningskerfis raforku og að betri yfirsýn fáist yfir kerfið. „Það er ennfremur fagnaðarefni að fá Orkuveitu Reykjavíkur í hluthafahóp Landsnets hf.,“ bætir Þórður við. Við kaupin hefur Landsnet eignast allt meginflutningskerfi landsins, en fyrir skemmstu keypti Landsnet flutningsvirki Hitaveitu Suðurnesja hf.

 

Við markaðsvæðingu raforkumála, árið 2005, var flutningskerfi raforku skilgreint og það falið Landsneti til rekstrar. Hlutar þessa kerfis voru í eigu ýmissa orkufyrirtækja. Stóð þeim þá til boða að selja Landsneti flutningsvirki sín og fá greitt í reiðufé eða hlutafé. Einnig stóð til boða að leigja Landsneti mannvirkin og var það sá kostur sem Orkuveita Reykjavíkur tók á þeim tíma.

Af kaupverðinu greiðir Landsnet um 900 mkr. í reiðufé og um 400 mkr. í hlutafé, sem svarar til u.þ.b. 8% hlutar í Landsneti hf. Samningurinn var undirritaður með fyrirvara um samþykki hluthafafundar Landsnets.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is