Um síðustu helgi var gengið frá sölu á ferðaþjónustufyrirtækinu Snjófelli á Arnarstapa. Þeir sem keyptu eru sömu hlutahafar og eiga fyrirtækið Undir jökli, sem rekur meðal annars Hótel Ólafsvík. Að sögn Sverris Hermannssonar hluthafa í Undir jökli verður byrjað strax á endurbótum. Meðal annar verður tjaldstæðið lagað, gistiaðstaðan mun verða lagfærð auk þess sem veitingahúsið Arnarbær verður endurbætt.  Sverrir sagði í samtali við Skessuhorn að hann væri bjartsýnn á framtíðina með aukinni komu ferðamanna á Snæfellsnes. “Við verður með ferðir á jökulinn með svipuðu sniði og verið hefur, en sjálfsagt verður áherslum eitthvað breytt. Það á allt eftir að koma í ljós,” bætir Sverrir við.