Forsíða
Auglýsing
Rss straumur af fréttum frá Skessuhorni
Miðaftann. Fjórði Laugardagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. september. 2007 01:20

Mikil nýliðun í Björgunarfélagi Akraness

Góð aðsókn hefur verið á kynningarfundi fyrir unglinga sem Björgunarfélag Akraness hélt nýverið. Krökkum í 9. og 10. bekk er boðið að taka þátt í unglingastarfi félagsins og 16 og 17 ára unglingar geta tekið þátt í nýliðastarfi. Formlegir félagar geta menn gerst þegar 18 ára aldri er náð. Ásgeir Kristinsson formaður sagði í samtali við Skessuhorn að nokkur fjölgun væri í félaginu. Vel á annað hundrað manns taka þátt í starfi þess í hverjum mánuði í ýmsum hópum og deildum. „Það er mikil spenna fyrir unglingastarfinu og það er alltaf gaman að sjá krakka með mikla ævintýraþrá sem vilja takast á við svona hugsjónaríkt starf.“

Ásgeir segir að krakkarnir eigi von á skemmtilegu starfi í vetur. „Þau kynnast starfsemi félagsins og læra að takast á við náttúruna. Þau læra allt um útivist, hvernig á að klæða sig og fæða og rata um landið. Þá læra þau á sjóinn, hvort það sé há- eða lágfjara eða eitthvað allt annað og þau verða búin að míga í saltan sjó þegar yfir lýkur. Í næstu viku fara unglingarnir í heimsókn í Sæbjörgina og fá að kynnast nýju hlutverki Akraborgarinnar. Þar munu þau fá að reyna sig við ýmsar aðstæður í Björgunarskólanum sem þar er starfræktur.“

Mikilvægasti þáttur starfsemi félagsins er þjálfun og menntun að sögn formannsins. Ásgeir segir að það sé aðalstarf vetrarins, bæði í undirbúningsnámskeiðum og sérhæfðari násmskeiðum. „Í síðustu viku fóru t.d. fjórir félagar frá okkur á námskeið í straumvatnsbjörgun á Selfossi og fengu að takast á við Ölfusána. Það er gríðarlega mikilvægt að kunna rétt handtök þegar á hólminn er komið. Hjá okkur læra menn þau og geta síðan beitt þeim þegar á reynir. Við bjóðum upp á mjög fjölbreytta og skemmtilega starfsemi og allir hafa gott af því að starfa í björgunarsveit.“

 

Ljósmynd er frá nýliðaþjálfun á sl. ári hjá félaginu. Sjá þessa mynd og myndarlegt myndasafn á vef Björgunarfélagsins: www.bjorgunarfelag.is

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is