Í gær fékk lögregluumdæmi Borgarfjarðar og Dala afhentan nýjan lögreglubíl til afnota og verður bíllinn staðsettur í Dalasýslu og kemur hann í stað bíls sem þar hefur mest verið notaður. Stefán Skarphéðinsson sýslumaður í Borgarnesi afhenti Jóhannesi B. Björgvinssyni lögreglumanni í Búðardal bílinn til afnota. Um er að ræða nýjan bíl af Hyundai Santa Fe gerð sem búinn er öllum búnaði. Meðal annars er Tetra kerfi í bílnum með ferilkerfi og talstöð. Stefán sagði að þetta væri fjórði bíllinn sem kæmi til embættisins en ekki væri langt síðan að bílarnir hefðu aðeins verið tveir.