Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. september. 2007 10:26

Reykræsta þurfti Grunnskólann í Borgarnesi

Slökkvilið Borgarbyggðar var kallað út að Grunnskólanum í Borgarnesi í morgun eftir að ein kennslustofan hafði fyllst af reyk. Uppruni hans var neyðarblys sem nemendur þriðja bekkja höfðu fundið í fjöruferð fyrr í vikunni, en enginn hafði gert sér grein fyrir því hvað var þar á ferð. Þegar hópurinn hugðist rannsaka góssið sem fannst í fjörunni handlék einn nemandinn blysið og gerði það virkt með þeim afleiðingum að allt fylltist af reyk. Sá hluti skólans sem atburðurinn gerðist í, en í honum eru kennslustofur fyrsta til sjötta bekkjar, var tæmdur í snarhasti og slökkviliðið var kallað út. Starfsfólk hóf reykræstingu og slökkviliðið lauk verkinu án nokkurra vandkvæða. Kennsla gat hafist aftur í þessum hluta skólans 25 mínútum eftir hann hafði verið tæmdur. Tvær stofur þurfti þó að þrífa betur en reiknað er með því að kennsla geti hafist í þeim síðar í dag.

„Þetta kennir okkur að við þurfum alltaf að vera á varðbergi,“ sagði Kristján Þ. Gíslason skólastjóri í samtali við Skessuhorn. „Sem betur fór skapaðist ekki veruleg hætta og það gekk vel að losna við reykinn sem var staðbundinn. Þetta fór því allt saman vel.“

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is