Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. september. 2007 02:13

Ráðherra ræddi um markaðsmál sjávarafurða

Einar K. Guðfinnsson sjávarútvegs- og landbúnaðarráðherra fjallaði meðal annars um markaðsmál íslenskra sjávarafurða í kjölfar niðurskurðar á þorskkvóta og evru og krónu í ræðu sinni á aðalfundi Samtaka fiskvinnslustöðva sem haldinn var á Grand Hóteli í dag. Ráðherra talaði um öfugmæli þess þegar haft er á orði að tímabært sé að hefja upplýsta umræðu um kosti og galla upptöku evru hér á landi. Um fá mál hafi verið meira ritað og rætt en einmitt Evrópumálin og flesta anga þeirra. „Hitt er annað mál að umræðan um að kasta íslensku krónunni hefur oftar en ekki einkennst af einhverri óskhyggju um að það kynni að leysa öll heimsins vandamál. Vöruverð hér myndi lækka, draga úr gengissveiflum og betri skilyrði skapast fyrir íslenskt atvinnulíf.

Þetta er óskapleg einföldun á flóknum veruleika. Ég held að flestir þeir sem rætt hafa þessi mál við fólk frá löndum sem horfið hafa frá eigin mynt þekki að víðast hvar hefur það leitt til tímabundinna verðhækkana, að minnsta kosti að mati almennings.“

 

Hagstjórnarvandinn verði ekki úr sögunni þótt skipt verði um gjaldmiðil heldur þvert á móti hefði t.d. þurft að beita gríðarlega hörðum aðgerðum í ríkisfjármálum undanfarna mánuði ef Íslendingar hefðu tekið upp evru. „Við hefðum örugglega orðið að draga mjög úr útgjöldum ríkisins til að minnka þensluna hér innanlands sem hefði trúlegast haft áhrif á atvinnustig, laun opinberra starfsmanna og þjónustu hins opinbera með einhverjum hætti.“

 

Ráðherra ítrekaði að vanda þurfi til umræðunnar og byggja á traustum rökum. Ekki megi skipta um kúrs á grundvelli falsraka eða upplýsinga sem ekki standist. Umræðan sé vandasöm, krefjist mikillar þekkingar og yfirvegaðrar afstöðu. Þjóðin varpi ekki frá sér eigin gjaldmiðli á þeirri forsendu að íslensk stórfyrirtæki sem sæki tekjur sínar að miklu leyti til útlanda og séu umsvifamikil erlends, telji sér henta að slíta tengslin við Ísland og krónuna.

 

Í sambandi við niðurskurð í þorskveiðum og möguleg markaðsáhrif þeirra greindi ráðherra frá fundi sem hann sótti í Lundúnum í júní sl. þar sem íslensk fiskveiðistjórn, auðlindanýting og ráðgjöf Hafrannsóknastofnunarinnar var kynnt fyrir nokkrum af umsvifamestu kaupendum íslenskra sjávarafurða í Bretlandi. Í kjölfar fundarins sendi sjávarútvegsráðherra fundargestunum bréf þar sem ákvörðun um heildaraflamark nýhafins fiskveiðiárs var kynnt og viðbrögð þeirra við henni könnuð. „Það er skemmst frá því að segja að þeir lýsa einróma stuðningi við ákvörðunina. Hún hafi verið sú eina rétta í stöðunni, framtakið sé lofsvert, öðrum til eftirbreytni og auki hróður Íslands sem leiðandi þjóðar á þessu sviði. […] Það er lykilatriði að við gætum að og verjum það góða orðspor sem íslenskur sjávarútvegur nýtur og að hingað sé litið til fyrirmyndar að sjálfbærri og ábyrgri nýtingu auðlindarinnar.“

 

Þá fjallaði ráðherra einnig um nýlega umhverfisyfirlýsingu um íslenskar fiskveiðar og framhald hennar, sem og fyrsta starfsár Matís (Matvælarannsókna Íslands).

 

Ræðuna í heild má sjá á vef sjávarútvegsráðuneytisins.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is