Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. nóvember. 2007 02:44

Öruggir sigur Skallagríms í Borgarnesi

Skallagrímur í Borgarnesi sigraði Fjölni nokkuð örugglega í Íþróttahúsinu i Borgarnesi í gærkvöldi. Lokatölur urðu 88-65. Það voru nokkuð vængbrotnir Fjölnismenn sem mættu til leiks þar sem Nemanja Sovic, einn af þeirra lykilmönnum seinustu ár, gekk nýlega til liðs við Breiðablik.  Leikurinn var nokkuð jafn framan af og skiptust liðin á að hafa forystu í fyrsta leikhluta en heimamenn höfðu yfir 20-17 fyrir Skallagrím.  Greinileg batamerki voru á leik Skallagríms frá seinustu leikjum og þá aðallega sóknarleiknum. Boltinn gekk betur á milli manna og greinilegt að leikkerfi Kenneths Webb þjálfara eru hægt og bítandi að sígast inn í menn. Leikmenn voru að hlaupa vel af hindrunum og fengu nóg af opnum skotum, eitthvað sem hefur vantað í seinustu leikjum þar sem einstaklingsframtök hafa oftar en ekki ráðið ferðinni.

Fjölnismenn virkuðu þreyttir og það var þá helst hinn þétti Drago Pavlovic sem sýndi einhvern lit.  Skallagrímsmenn leiddu í leikhléi 40-38, forysta sem hefði hæglega getað verið stærri. Í 3. leikhluta lögðu heimamenn grunninn af sigrinum með góðri spilamennsku og það er óhætt að fullyrða það að þessi leikhluti var með því besta sem sést hefur frá liðinu það sem af er vetri.

Pétur Már Sigurðsson var að nýta vel opnu skotin auk þess sem var að spila fína vörn.  Frakkinn léttlyndi Alain Fall átti einnig prýðisleik og skemmti áhorfendum með skemmtilegum stoðsendingum út allan leikinn, þær urðu 10 talsins.

 

Skallagrímsmenn höfðu 14 stiga forystu fyrir lokaleikhlutann 69-55. Hann var aðeins formsatriði og leyfði Webb ungu strákunum að klára leikinn og stóðu þeir sig allir mjög vel. Leikurinn endaði eins og áður sagði með öruggum sigri heimamann 88-65.  

Pétur Már Sigurðsson átti mjög góðan leik. Hann var með 22 stig og  fína skotnýtingu, hann var einnig að spila fantavörn á Níels Dungal sem komst lítt áleiðis. Frakkinn síkáti Alan Fall var einnig öflugur eins og áður sagði með 11 stig, 10 stoðsendingar og 6 fráköst. Þeir Darell Flake, Miljoka Zekovic og Axel Kárason stóðu sig allir vel og tók Axel heil 6 sóknarfráköst í leiknum. Ungu strákarnir áttu allir fínar innkomur og var gaman að sjá hinn unga Sigurð Þórarinsson fá eldskírn sína í Úrvalsdeild.

 

Byggt á www.skallagrimur.org/ ljósm. Svanur Steinarsson

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is