Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. nóvember. 2007 11:14

Yfir 46 opnaði með stæl

Í gær var formlega opnuð ný tískuverslun í Borgarnesi. Verslunin sem ber nafnið “Yfir 46” sérhæfir sig fötum á fullvaxnar konur. Verslunin er staðsett í hluta húsnæðis Efnalaugarinnar Múlakots við Borgarbraut 55. Eigendur verslunarinnar eru þær stöllur Sigrún Sigurðardóttir, sem jafnframt er framkvæmdastjóri Múlakots og Inger Helgadóttir ferðaþjónustubóndi á Indriðastöðum í Skorradal. Fullt var út úr dyrum við opnunina og ljóst að Borgnesingar og íbúar nærliggjandi byggðarlaga kunna vel að meta þessa viðbót í þjónustuflóruna.

Í samtali við Skessuhorn sagði Sigrún að tvær ástæður væru fyrir því að þær stöllur hefðu farið í að opna tískuverslun. “Í fyrsta lagi þekkjum við það af eigin raun að það er oft meira en að segja það fyrir þroskaðar konur að fá á sig tískuföt og þær hafa þurft að sætta sig við mun minni fjölbreytni og jafnvel að þurfa að ganga í því sem að þeim er rétt. Þessu vildum við breyta,” segir Inger. “Hin ástæðan,” segir hún; “er sú að ég hafði laust húsnæði hér við hliðina á efnalauginni og í raun fæddist þessi hugmynd þegar við fluttum hérna inn fyrir sex árum.”

 

Sigrún vildi ítreka að efnalaugin verður áfram rekin enda ætti þessi rekstur vel saman og samlegðaráhrifin augljós. “Ég reikna með að hafa þetta heimilislegt og skipta um rennilása frammi í búð milli þess sem ég afgreiði í versluninni.” Hún tók líka fram að áhersla væri lögð á þægilegt andrúmsloft og góða aðstöðu. “Við erum örugglega með eina stærstu mátunarklefa sem finnast í tískuverslunum á Íslandi. Svo erum við með þægilega stóla fyrir karlana á meðan þeir bíða, þiggja kaffi og kíkja í blöðin. Það á engum að þurfa að líða illa í fatabúðum,” segir Sigrún.

 

Í Yfir 46 verða fyrst um sinn á boðstólnum kvenföt og fylgihlutir en þær stöllur, Sigrún og Inger, útiloka ekki að herrafötin fylgi á eftir ef vel gengur.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is