Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. nóvember. 2007 10:18

Samið um hönnun mannvirkja á Jaðarsbökkum

Á dögunum voru undirritaðir samningar milli Akraneskaupstaðar og  ASK-arkitekta og VGK-Hönnunar vegna arkitekta- og verkfræðihönnunar við fyrsta áfanga af  þremur í fyrirhuguðum lokaframkvæmdum við íþróttamiðstöðina á Jaðarsbökkum. Í þessum fyrsta áfanga verður byggð innisundlaug ásamt tengigangi að búningsklefum. Sundlaugarhúsið verður samkvæmt fyrirliggjandi aðalteikningu og forhönnun 2600 fermetrar að stærð. Gert er ráð fyrir að verkið verði boðið út í tveimur verkhlutum, jarðvinna og fullbúið hús. Ekki liggur fyrir áætlun hvenær byggingarframkvæmdir verða boðnar út.

Framkvæmdahraði við lokaáfanga íþróttamiðstöðvarinnar er háður ákvörðun bæjarstjórnar Akraness, eins og segir í samningnum við verkfræði- og arktitektastofurnar og ljóst að að þær munu standa yfir í nokkur ár. Umræddur samningur við stofurnar fela í sér greiðslur upp á 55 milljónir króna, nema verulegar breytingar verði á hönnunaráætlun á tímanum.

 

Lokagreiðslan fari fram í lok næsta árs.  Þóknun til verkfræðiráðgjafa nær yfir hönnunarstjórn, hönnun burðarvirkja, hönnun lagna og kerfa, ásamt ýmsum teikningum, gerð kostnaðaráætlana og útboðsgagna. Einnig ráðgjöf  til aðalhönnuða vegna brunavarna og hljóðvistar. Innifalið í þóknun arkitekta er hönnun mannvirkis allt til gerðar útboðsgagna.

Miðað við fyrirliggjandi aðalteikningar og forhönnun við byggingu fyrsta áfanga, er áætlaður byggingarkostnaður við þann áfanga 550 milljónir, fyrir utan eftirtalda kostnaðraliði: Hönnun, umsjón og eftirlit, opinber gjöld, tengigjöld veitna, tengingar við núverandi sundlaug, keppnisbúnaður, laus búnaður og frágang lóðar.

Umræddur samningurinn nær ekki yfir 2. og 3. áfanga lokaframkvæmdanna. Annar áfangi er endurnýjun búningsklefa, laugarsvæðis og fleira. Þriðji áfangi er austurbygging þar sem verður inngangur, búningsklefar, líkamsræktarstöð, geymslur og fleira.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is