Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. desember. 2007 01:19

Útsvarið lágt þrátt fyrir miklar framkvæmdir

Á fundi sveitarstjórnar Hvalfjarðarsveitar fyrir helgina var samþykkt að áfram yrði sama útsvarsprósenta á næsta ári og verið hefur undanfarið, það er 11,61%, sem er langt undir leyfilegu hámarksútsvari sveitarfélaga sem er eins og kunngt er 13,03%, og sem flest sveitarfélög nýta um þessar mundir. „Þetta gerum við þrátt fyrir að veita góða þjónustu á öllum sviðum. Að þessu sinni urðu samt talsverðar umræður hjá okkur, hvort við ættum að halda okkur á sömu nótunum áfram. Þar sem að við stöndum í kostnaðarsömum framkvæmdum, erum m.a. að byggja ráðhús og undirbúa byggingu nýrra skóla,“ segir Einar Örn Thorlacius sveitarstjóri Hvalfjarðarsveitar.

Einar Örn segir að gerð fjárhagsáætlunar sé komin vel af stað og væntanlega verði varið talsverðri fjárhæð í hönnun nýs Heiðarskóla og e.t.v. til byrjunarframkvæmda. Á næsta ári verður lokið við byggingu stjórnsýsluhússins. Ennfremur verður reistur nýr leikskóli á Innnesinu sem mun þjóna væntanlegri byggð í Krosslandi. Hvalfjarðarsveitin nýtur vel tekna af stóriðjuverunum við Grundartanga, ekki síst fasteignagjaldanna. „Þetta gerir sveitarfélaginu m.a. kleift að hafa útsvarshlutfallið lágt, greiða foreldrum sem hafa börn heima heimagreiðslur og hafa leikskólann að mestu gjaldfrjálsan,“ segir Einar Örn sveitarstjóri.Á síðustu mánuðum hefur framkvæmdanefndin fyrir skólabyggingunni skoðað nýlega skóla á höfuðborgarsvæðinu sem fallið gætu að hugmyndum sem fólk hefur varðandi nýjan skóla. Að sögn sveitarstjóra eru helstu ástæður fyrir því að talið er nauðsynlegt að byggja nýjan skóla, ekki þær að barnafjöldinn sé að sprengja skólann, heldur hitt að skólahúsið sem er 40 ára gömul bygging er ákaflega óhagkvæm, sérstaklega sökum þess að hún er á þremur hæðum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is