Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. desember. 2007 06:29

Fékk símafund með Bush í nafni Ólafs Ragnars

Vífill Atlason, 16 ára nemi í Fjölbrautaskóla Vesturlands, var búinn að festa símafund við Bush Bandaríkjaforseta. Fundurinn átti að verða um kvöldmatarleytið sl. mánudagskvöld. Vífill hafði áður aflað sér símanúmers Hvíta hússins og hringdi þangað og sagðist vera Forseti Íslands, Ólafur Ragnar Grímsson. Til fundarins kom þó ekki þar sem að grunsemdir vöknuðu vestan hafs um að einhver væri að gera at. Um tvöleytið sl. mánudag birtist lögreglan síðan heima hjá Vífli og færði til yfirheyrslu á lögreglustöðina á Akranesi. Vífill óttast ekki og segist raunar hugsa lítið út í hvort eitthvað verði aðhafst gagnvart sér í kjölfar símahrekksins. Það sé þá helst að erfitt verði fyrir sig að komast inn í Bandaríkin í framtíðinni. Hann verði settur á lista yfir óæskilegt fólk til landsins.

Það var á laugardagsköld þegar Vífill var að vafra um á netinu ásamt Ingvari Þórissyni félaga sínum, að þeim kom allt í einu til hugar leyninúmerið hjá Bandaríkjaforseta sem var á flakki á einhverri bloggsíðunni fyrir nokkrum árum. Þeir ákváðu að prófa númerið og komust strax í samband við ritara og svo annan ritara og einn eða tvo aðila í viðbót, þangað til búið var að festa símafund með Bandaríkjaforseta. Þetta ferli tók um 15 mínútur. Eins og áður segir átti símafundurinn að verða um kvöldmatarleytið á mánudag, en á þeim tíma er Vífill að vinna við símsvörun hjá netþjónustufyrirtæki. Til þessa kom ekki eins og áður sagði.

Aðspurður sagðist Vífill ekkert hafa verið stressaður yfir helgina, bara verið að lesa undir próf og gengið ágætlega. Eins þegar lögreglan kom, að þá hafi hann ekkert verið smeykur. „Enda virtist lögreglan bara hafa gaman af þessu,“ sagði hann.

Fljótlega eftir að lögreglan var komin í málið, bloggaði bróðir Vífils um það og síðan hefur lítill friður verið fyrir fjölmiðlum hér á landi, sem finnst málið athyglisvert og spennandi. „Það er fyrst núna sem þetta er að róast,“ sagði Vífill þegar hann leit inn á ritstjórn Skessuhorns síðdegis í dag.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is