Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. desember. 2007 10:19

Menntaskólanemar marseruðu í uppbrotsviku

Skrúðganga nemenda, kennara og stjórnenda Menntaskóla Borgarfjarðar vakti athygli í Borgarnesi í gær. Þátttakendur voru í litskrúðugum fötum sem skáru sig út í skammdegisdrunganum. Ársæll Guðmundsson skólameistari segir gönguna hafa haft tvíþættan tilgang. Annars vegar er vikan uppbrotsvika hjá nemendafélaginu og einnig að þessi dagsetning hafi verið ákveðin í haust. Þá stóð til að dagurinn yrði innflutningsdagur í nýja skólahúsið, sem ekki varð raunin. Ákveðið var að halda sett plan þótt sjálf innflutningsgangan verði að fara fram síðar.

Í ljós kom á haustdögum að ekkert yrði af því að hinn nýi Menntaskóli Borgarfjarðar myndi geta hafið starfsemi sína í nýju skólahúsi.

 

Tekið var á það ráð að fá leigt húsnæði í Safnahúsinu. Eins og fyrr segir stóð til að flytja í nýja húsið í vikunni, en ekkert varð af því. Ársæll Guðmundsson skólameistari segir að flutt verði inn skömmu eftir annarskiptin í janúar. „Aldrei stóð til að við yrðum lengi í þessu húsnæði sem við erum í núna enda á að nota það undir sýningu eftir áramótin. Margt er óklárt í nýja húsinu en starfsemin verður að flytjast inn í janúar því við eigum ekki í önnur hús að venda. Þetta er einnig farið að há starfsemi skólans. Okkur vantar tilfinnanlega raungreinastofu, það er dýrt að leigja og einnig er óviðunandi að nemendur geti ekki haldið nemendafélagsfundi.“

 

Aðspurður segir Ársæll tafirnar vera af ýmsum orsökum. Líklega hafa menn misreiknað sig eitthvað og svo hefur veðráttan í haust alls ekki hjálpað til. „Nemendafélagið er með svona uppbrotsviku þessa síðustu kennsluviku fyrir jól. Nú var það litskrúðugur dagur, og næsta dag eiga allir að mæta í náttfötum,” sagði Ársæll í samtali við Skessuhorn á mánudagskvöld. “Síðan verður keppt milli kennara og nemenda um áskorunarbikarinn, sem er keppni í ýmsu bæði hefðbundnu og óhefðbundu og að lokum sparidagur, þar sem allir mæta í sína fínasta pússi og hafa síðan jólaball, á síðasta kennsludegi ársins. Þetta verður án efa gífurlega gaman og alltaf er gott að brjóta ögn upp og breyta um,“ sagði Ársæll Guðmundsson skólameistari.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is