Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. desember. 2007 07:14

Samstarfssamningarnir undirritaðir á morgun

Samningurinn fjallar meðal annars um tónlistarkennslu
Bæjarstjórn Akraness og sveitarstjórn Hvalfjarðarsveitar hafa samþykkt samstarfssamninga milli sveitarfélaganna, sem sagt var upp í byrjun ársins og hafa verið í endurskoðun síðustu mánuði. Samningarnir verða undirritaðir í bæjarþingsal Akraneskaupstaðar á morgun. Akraneskaupstaður og Hvalfjarðarsveit skipuðu á fyrri hluta ársins starfshóp til að endurskoða samstarfssamninga milli sveitarfélaganna, þar á meðal skipulagsskrár tveggja sameignarstofnana, Dvalarheimilisins Höfða og Byggðasafnsins í Görðum. Starfshópurinn skilaði endanlegum tillögum sínum til sveitarstjórnanna 12. desember s.l.

Samstarfssamningarnir eru, auk fyrrnefndra skipulagskráa fyrir Dvalarheimilið Höfða á Akranesi og Byggðasafnsins í Görðum, um brunavarnir og eldvarnareftirlit, um ýmis málefni á sviði félags- og íþróttamála, um félagsstarf aldraðra, um meðferð og eyðingu sorps og um rekstur tónlistarskóla.

Samningarnir eru að meginstofni til endurnýjun á fyrri samningum en farið hefur verið sérstaklega ofan í kostnaðarskiptingu milli sveitarfélaganna vegna viðkomandi rekstrar.  „Með þessum samningum hefur mikið og öflugt samstarf sveitarfélaganna enn verið treyst í sessi,“ segir í tilkynningu frá sveitarfélögunum.  Samstarfshópinn skipuðu þau Gísli S. Einarsson bæjarstjóri og Karen Jónsdóttir formaður bæjarráðs frá Akraneskaupstað og frá Hvalfjarðarsveit Einar Örn Thorlacius sveitarstjóri og Hallfreður Vilhjálmsson oddviti.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is