Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. janúar. 2008 11:33

Haftyrðlar hrekjast undan veðri

Rúnar Ragnarsson í Borgarnesi var ásamt sonum sínum að veiðum á ís á Norðurá skömmu fyrir áramót. Fann hann þá dauðan fugl sem flogið hafði á vír. Í ljós kom að um haftyrðil var að ræða en mjög sjaldgæft er að fugl þeirrar tegundar finnist hér inn til landsins. Daginn eftir fundu þeir feðgar síðan annan fugl sömu gerðar í Borgarnesi og var sá illa á sig kominn en á lífi. Var hann því tekinn í fóstur og boðið fóður á heimili Rúnars og fjölskyldu.

Haftyrðlar eru smávaxin, hánorræn tegund, sem verpir aðeins mjög norðarlega. Ísland er á suðurmörkum þess svæðis. Hér verpa þeir nú aðeins í Grímsey en varp haftyrðla hefur stöðugt farið minkandi hér og eru þeir því að hverfa sem íslenskir varpfuglar. Þeir eru sjófuglar, sem halda sig mest úti á rúmsjó, en geta þó líka sést inni á fjörðum. Yfir vetrarmánuðina færa þeir sig sunnar og eru þá jafnvel í þúsundatali allt í kringum landið. Haftyrðlar verpa í urðum við sjó, þar sem þeir finna sér hreiðurstað í holum og gjótum gerðum af náttúrunnar hendi. Fæða haftyrðla er ýmsir hryggleysingjar. Þeir eru alfriðaðir enda sjaldgæfir og hafa ekki verið nýttir hér á landi líkt og aðrir sjófuglastofnar. Líklegt er að fuglarnir sem fundust nú í Borgarfirði hafi hrakist undan rokinu sem geysaði dagana áður en þeir fundust.

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is