Forsíða
Auglýsing
Rss straumur af fréttum frá Skessuhorni
Náttmál. Fjórði Óðinsdagur í Gormánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. janúar. 2008 08:11

Mótmæla að Spölur komi að fjármögnun

Forsvarsmenn fyrirtækjanna Loftorku í Borgarnesi, ÞÞÞ á Akranesi og Ragnars og Ásgeirs ehf. í Grundarfirði hafa formlega mótmælt því að Spölur hafi boðið samgönguráðuneytinu upp á að fyrirtækið komi að fjármögnun tvöföldunar Hvalfjarðarganga og breikkun vegar um Kjalarnes. Forsvarsmenn fyritækjanna þriggja segja að þetta tilboð Spalar vekji hjá þeim ugg og benda á að það geti ekki verið hlutverk Spalar, sem fékk heimild til gjaldtöku á leiðinni undir Hvalfjörð, að útvíkka þá starfsemi á grundvelli sömu gjaldtökuheimildar. Það væri frekar að stjórn Spalar hvetti samgönguráðherra til að hefjast handa við gerð Sundabrautar að norðanverðu, það er frá syðri enda Hvalfjarðarganga að þeim stað í Kollafirði sem Sundabrautin mun þvera fjörðinn.

Í bréfi fyrirtækjanna þriggja til Spalar, sem m.a. var kynnt bæjarráði Akraness í síðustu viku, er því mótmælt að Spölur bjóði upp á þann möguleika að ef gjaldtöku yrði haldið áfram til ársins 2018 sé fyrirtækið tilbúið að aðstoða ríkissjóð við fjármögnun tvöföldunar Hvalfjarðarganga og breikkun vegar um Kjalarnes, enda yrðu þeir fjármunir sóttir til gjaldtöku eina gjaldtökuvegar á Íslandi.

„Þessi umræða er í gangi á vettvangi Spalar á sama tíma og samgönguráðherra tilkynnir að hann ætli að færa 2,5 milljarða af samgönguáætlun ársins 2008 til ársins 2009, þar sem að hann komist ekki yfir að verja þeim fjármunum sem Alþingi hefur ályktað að verja til samgöngumála á árinu 2008. Í dag er staðan sú að að ekki er þörf á að halda gjaldtökunni áfram til ársins 2018, né heldur þörf á að halda gjaldinu í göngin óbreyttu, vegna mikillar umferðar. Fyrir okkur undirritaða, sem getum ekki talist annað en stórnotendur Hvalfjarðarganga, er þetta óásættanleg nálgun,“ segja forsvarsmenn fyrirtækjanna þriggja vegna erindis Spalar til samgönguráðuneytis.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is