Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. janúar. 2008 08:28

Vífill reyndist símavinur í raun

Var símavinur í raun
Lið Akurnesinga mætti liði Ísafjarðar í spurningakeppninni Útsvari í Sjónvarpinu eins og áhorfendur gátu séð síðastliðinn föstudag. Skagamenn sigruðu í æsispennandi keppni með 69 stigum gegn 62 og eru komnir í átta liða úrslit. Liðið góða skipuðu þau Guðríður Haraldsdóttir, Bjarni Ármannsson og Máni Atlason. Bróðir Mána, Vífill Atlason, var símavinur Skagamanna. Mörgum þótti það skondið þar sem Vífill hefur helst unnið sér það til frægðar að hafa hringt í Hvíta húsið og pantað þar viðtal við George nokkurn Bush.

“Nei, ég hafði nú ekki hugsað mér það,” segir Vífill þegar hann er inntur eftir því hvort hafi hvarflað að honum að hrekkja bróður sinn á einhvern hátt. “Ingvar vinur minn var reyndar eitthvað að pæla í því. Hann vill bara plata alla. Þetta er alveg brjálaður gaur,” segir hann og vísar þar til vinar síns, Ingvars Þórissonar, sem mætti svo eftirminnilega í stað Vífils í viðtal í fréttum Stöðvar 2 eftir Hvíta húss símtalið.

 

Skagamenn nýttu sér símavináttu Vífils þegar kom að því að svara spurningu um heiti fjötursins er hélt Fenrisúlfi. Vífill svaraði “Gleipnir” og tryggði Skagamönnum 15 stig. Máni bróðir hans lýsti hinsvegar yfir áhyggjum sínum af viðbrögðum móður sinnar við því að hann hefði ekki munað svarið, því hún kennir meðal annars norræna goðafræði. Vífill segir að þær áhyggjur hafi reynst þarfar. “Já, hann fékk ekki einu sinni kvöldmat þegar hann kom heim,” segir hann í gamansömum tón. Hann segist þó hafa verið stoltur af stóra bróður. “Hann hefði reyndar mátt hlaupa aðeins hraðar!”

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is