Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. janúar. 2008 03:45

MR á Grundartanga og fleiri fyrirtæki í pípunum

Forsvarsmenn Mjólkurfélags Reykjavíkur hafa lýst yfir áhuga sínum á lóð fyrir starfsemi sína við hafnarsvæðið á Grundartanga, en félagið stendur sem kunnugt er fyrir umfangsmiklum innflutningi á áburði og korni. Stálsmiðjan hefur einnig áhuga á lóð á iðnaðarsvæðinu við tangann. Gísli Gíslason framkvæmdastjóri Faxaflóahafna segir að 2-3 fyrirtæki til viðbótar séu í pípunum, sýnt sé að höfnin á Grundartanga muni hafa aðdráttarafl bæði til sjós og lands í framtíðinni.

Gísli segir að Grundartangi sé alveg í takt við það sem stjórn Faxaflóahafna hefði gert sér í hugarlund þegar sú stefna var mótuð að útvíkka sýnina til afhafnasvæða hafnanna frá því sem verið hefur.

Gísli segir að í samvinnu við sveitarstjórn Hvalfjarðarsveitar hafi hluti  Klafastaðalandsins verið skipulagður fyrir nokkar iðnaðarlóðir, þannig að unnt yrði að verða við óskum MR svo fyrirtækið geti flutt starfsemi sína á Grundartangann á næstu tólf mánuðum. Þessar lóðir eru skammt frá járnblendiverksmiðjunni. Þá hafi verið ákveðið að fara út í frekari skipulagningu á iðnaðarsvæðinu á Grundartanga og mikill vilji væri til þess að bjóða upp á fleiri lóðir og lengri hafnarkant fyrir athafnarými, enda ljóst að áhugi fyrirtækja er fyrir hendi.

Einar Örn Thorlacius sveitarstjóri Hvalfjarðarsveitar fagnar þeirri þróun að fjölbreyttari rekstur verði á Grundartanganum, minni og meðalstór fyrirtæki til hliðar við stóru verksmiðjurnar. „Ég held að þetta sé þróun sem fólk vill sjá. Við höfum lokið nauðsynlegu deiliskipulagi á vesturhluta svæðisins, þar sem þessar lóðir eru og einnig á svæðinu að austanverðu. Það stendur því ekkert í vegi fyrir því að taka við fyrirtækjunum,“ segir Einar Örn sveitarstjóri. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is