Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. janúar. 2008 11:30

Háspenna þegar Skallagrímur lagði ÍR

Mikil stemning var í „Fjósinu“ í Borgarnesi í gærkveldi þegar Skallagrímsmenn tóku á móti ÍR-ingum. Leikurinn var jafn og hörkuspennandi frá upphafi til enda og lauk með naumum sigri heimamanna 89:86. Skallagrímur er nú í 5. sæti deildarinnar með 14 stig. Njarðvíkingar eru næstir fyrir ofan með 16 stig, en Snæfell er í 6. sæti deildarinnar með 12 stig.

Skallagrímur byrjaði betur og var með ágætt forskot eftir fyrsta leikhluta, 24:17. Gestirnir náðu að rétta sinn hlut og voru stigi yfir þegar gengið var til leikhlés, 36:37. Baráttan hélt síðan áfram í þriðja leikhlutanum og hnífjafn leikur. Staðan var jöfn eftir þriðja leikhluta 62:62. Hafþór Ingi Gunnarsson átti afburðaleik fyrir Skallagrím í gærkvöldi og var mjög atkvæðamikill í síðasta fjórðungunum. Það var þó Pétur Már Sigurðsson sem skoraði mikilvægustu körfu heimamanna í gærkveldi, þriggja stiga körfu þegar 20 sekúndur voru eftir og kom Borgnesingum yfir 87-85. Nate Brown keyrði þá upp og ætlaði að jafna leikinn fyrir ÍR-inga en skot hans geigaði. Í kjölfarið var brotið á Darrel Flake, sem brást ekki bogalistin og kom heimamönnum í 89-85 á vítalínunni. Nate Brown setti svo niður eitt víti í lokin og litlu munað að Zekovic bætti við tveimur stigum fyrir Skallagrím þegar lokaflautið gall.

Hafþór var allt í öllu hjá Skallagrími og skoraði 20 stig. Darrel Flake var einnig mjög góður, með 23 stig og 14 fráköst. Þessir tveir báru af í liði heimamanna. Allan Fall og Pétur Már Sigurðsson skoruðu hvor um sig 11 stig, Milojica Zekovic gerði 10, Pálmi Sævarsson 7 og Óðinn Guðmundsson 5. Stigahæstir hjá IR voru Nate Brown með 27 stig, Hreggviður Magnússon 18, Sveinbjörn Claessen 15 og Ómar Örn Sævarsson 7.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is