Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. janúar. 2008 09:48

Heita vatnið skert í öryggisskyni

Skerða hefur þurft afhendingu á heitu vatni á Akranesi og í Borgarnesi frá því á mánudag. Þetta var gert í öryggisskyni eftir að vatnsborð í heitavatnsgeymum hafði lækkað mjög í kjölfar rekstrartruflana um síðustu helgi. Ekki er útilokað að til frekari skerðinga komi næstu daga. Þjónustufyrirtæki bæjanna, svo sem sundlaugarnar og Laugafiskur, þar sem skerðingarheimildir eru í samningum, hafa orðið fyrir skerðingunni. “Óvíst er hvort ástandið kemur til með að bitna á almennum notendum,” segir í tilkynningu frá Orkuveitu Reykjavíkur frá því í morgun.

Stöðuna nú má rekja til rafmagnsleysis í óveðrinu um síðustu helgi. Þá stöðvuðust dælur og í kjölfarið lækkaði mjög í hitavatnsgeymum. Eftir að dælur fóru af stað brast aðalæð sem leiddi til þess að vatnsborð í tönkum lækkaði enn frekar. Nú er verið að fylla á þá og á vatnsborð að verða viðundandi undir kvöld.

Gríðarleg uppbygging hefur verið á Vesturlandi síðustu ár og hefur það kallað á aukna notkun á heitu vatni. Á Akranesi einu hefur t.a.m. aukningin numið 37% frá árinu 2000.

Akurnesingar og Borgnesingar fá vatn úr Deildartunguhver og fleiri jarðhitasvæðum í héraðinu um lögn sem komin er til ára sinna. Hún er í eigu Hitaveitu Akraness og Borgarfjarðar, sameiginlegs fyrirtækis Orkuveitu Reykjavíkur og ríkisins. Dælugeta á lögninni annar ekki lengur eftirspurn við langvarandi álagstoppa. Næsta sumar verður byggð dælustöð við lögnina sem tryggja mun verulega aukna flutningsgetu hennar.

Forstjóri Orkuveitunnar og nýr stjórnarformaður OR auk framkvæmdastjóra HAB hafa fundað með sveitarstjórnarfólki frá Akranesi og Borgarbyggð og farið yfir stöðuna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is