Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. febrúar. 2008 09:00

Fóðrun útigangs nauðsynleg

„Í þessum snjóa- og kuldakafla undanfarið hefur verið nauðsynlegt að gefa útigangi meira en venjulega, enda hafa síðustu vetur verið mildir. Núna má heita nánast beitarlaust  um allt héraðið, en mér hafa samt ekki borist fregnir um að hrossum sé ekki gefið. Ég held að ástandið hér á þessu svæði sé svipað og venjulega, hvað varðar heilsufar búpenings,“ segir Gunnar Gauti Gunnarsson héraðsdýralæknir í Mýra- og Borgarfjarðarsýslu, en talsvert hefur verið í fréttum undanfarið að útigangshrossum sé ekki sinnt nægjanlega í hörðum vetri.

 

Gunnar Gauti segir að í þessu séríslenska fyrirbrigði sem útigangurinn er, sé ekki nóg að hrossunum sé gefið heldur þurfi einnig að huga að því að hrossin hafi nægjanlegt skól. Ef  það sé ekki frá náttúrunnar hendi þurfi að koma upp skjólveggjum, svokölluðum kaplaskjólum, sem auðvelt er að nálgast teikningar af. Gunnar Gauti sagði að daginn sem Skessuhorn náði af honum tali hefði einmitt borist ábending um að í beitarhólfi í nágrenni Akraness væri hugsanlegt að skjól vantaði fyrir hross og að hann hefði beðið starfsmenn Búnaðarsamtakanna að grennslast fyrir um það.

Gunnar Gauti segir að því miður berist kvartanir yfir vanhöldum á skepnum á hverju ári, aðallega hrossum, og að séu yfirleitt sömu aðilarnir sem eiga í hlut ár eftir ár. Hann segist fara um þrjár ferðir á ári ásamt starfsmönnum Búnaðarsamtakanna í slíkt eftirlit. „Ef ítrekaðar kvartanir berast fer ég í slíkar ferðir. Við vorum kallaðir á Mýrarnar um daginn til að grennslast fyrir um ástand hesta þar. Ástandið reyndist ekki jafnslæmt og kvartanir gáfu tilefni til að ætla, en var samt ekki nægjanlega gott,“ segir Gunnar Gauti Gunnarsson héraðsdýralæknir.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is