Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. febrúar. 2008 07:41

Þið munið hann Jörund er afmælissýning UMFR

Ungmennafélag Reykdæla í Borgarfirði fagnar 100 ára afmæli sínu í apríl næstkomandi. Stærsta verkefni félagsins á afmælisári, auk útgáfu afmælisrits, er uppfærsla leikritsins Þið munið hann Jörund, eftir Jónas Árnason. Ævintýrið um Jörund hundadagakonung er bráðskemmtilegt söng- og gamanleikverk. Það var fyrst fært upp í Iðnó árið 1970 og hefur síðan verið viðfangsefni margra áhugaleikfélaga um land allt, meðal annars UMFR árið 1980. Í leikritinu koma margar frábærar persónur við sögu og ekki spilla lögin fyrir sem eru skosk- og írskættuð, bráðfjörug og falleg enda sum hver fyrir löngu orðin sígild.

Guðmundur Ingi Þorvaldsson, leikari samdi leikgerð og er leikstjóri verksins. Að sýningunni kemur fjöldi fólks víða að úr Borgarfirði enda er um fjölmennt verk að ræða. Í samtali við Skessuhorn sagði Guðmundur Ingi að æfingar gengju vel, í það minnsta þegar veður setti ekki strik í æfingar. “Við erum núna búin að vera að meira og minna frá áramótum og þetta gengur alveg prýðilega. Það er gaman að segja frá því að gott samstarf hefur nú tekist á milli leikfélaganna í héraðinu og hér leggja m.a. áhugaleikarar úr Lundarreykjadal, Hálsasveit og Andakíl auk Reykdælinga sjálfra, gjörva hönd á plóg. Þetta er mannfrekt verk og viðamikið og því gott að margir taki höndum saman. Aðalhlutverkið, Jörundur hundadagakonungur, er í höndum Arnoddar Magnúsar Danks, en hann er lærður leikari og kemur feykilega sterkur inn,” sagði Guðmundur Ingi.

 

Stefnt er að frumsýningu á Jörundi í byrjun marsmánaðar í Logalandi og verða fyrstu sýningar kynntar nánar í Skessuhorni í næstu viku.

 

Á myndinni eru bræður þrír, Péturssynir frá Geirshlíð í Flókadal. Þeir fara með stór hlutverk í uppfærslu UMFR á Jörundi. Hér eru þeir allir samankomnir í atriði þar sem kapteinn Alexander Jones (Guðmundur) gengur á milli þeirra Charlie Browns (Jón) og guvenors Trampe greifa (Pétur).

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is